Раёсати кумитаи замини ВМКБ ва ду муассисаи дигари давлатӣ ба бинои нав мекӯчанд

Хоруғ, 23.06.2016 /АМИТ «Ховар»/. Баъди навсозии бинои бахши вилоятии «Тоҷикматлубот» дар ВМКБ боз барои чанд муассисаи давлатӣ шароити мусоиди корӣ фароҳам оварда мешавад. Сардори ҶДММ «Хизматгор» Амонбек Мамадризобеков гуфт, ки корро аз аввали моҳи маи соли равон оғоз намудем ва дар рӯзҳои наздик ба анҷом мерасонем. Ин бино дар аввали солҳои 70-ум бунёд шудааст. Агарчӣ масоҳати зиёди заминро ишғол мекунад, аммо чанд утоқи хурди торик дораду бештари масоҳати он барои истифода корношоям аст. Мо комилан тарҳи биноро тағйир дода, ба меъёрҳои муосири меъморӣ мутобиқ сохтем ва шумораи утоқҳои кориро ба 16 адад расондем. Акнун дар ин ҷо ба ҷуз Раёсати заминсозии вилоят, ҳамчунин боз се идораи дигар бо шумули корхонаи бақайдгирии молу манқули вилоят,  аэрогеодезияи вилоят бо теъдоди бештар аз 70 нафар фаъолият хоҳанд кард.
Сардори ин ширкати сохтмонӣ гуфт, ки то рӯзи  ҷашни Ваҳдати миллӣ бино барои фаъолият комилан омода мегардад.