Рушди фазои иттилоотӣ дар Бадахшон
Душанбе, 22.06.2016 /АМИТ «Ховар»/. Бо шарофати истиқлолияти давлатӣ пахши шабакаҳои телевизиони Тоҷикистон дар ҳудуди ВМКБ шурӯъ шуда, ҳоло мавҷҳои ТВ «Тоҷикистон» 92,4 %, ТВ «Сафина» 86,83 %, ТВ «Ҷаҳоннамо» 81,82%, ТВ «Баҳористон» 73,18 % қаламрави вилоятро фаро гирифтаанд. Пахши барномаҳои телевизиони вилоятӣ аз 6 соати қаблӣ то ба 10 соат зиёд гардида, ҳамкории телевизиони вилоятӣ бо шабакаи навтаъсиси «Синамо» роҳандозӣ шудааст.
Барои таъмин намудани аҳолии вилоят ба иттилооти саривақтӣ бо мусоидати ширкатҳои алоқаи мобилии «Тсеел», «МегаФон», «Билайн», «Вавилон» ва «Телеком Технолоҷи» дар шарҳи Хоруғ ва марказҳои ноҳияҳои ВМКБ хатти магистралии нахи нурӣ мавриди истифода қарор дода шудааст, ки ин иқдом барои истифода аз имкониятҳои бемаҳдуди шабакаи ҷаҳонии интернет шароити мусоид фароҳам овард.
Мавриди зикр аст, ки маҳз бо супоришу дастурҳои Президенти мамлакат дар давоми солҳои истиқлолияти давлатӣ барои рушди иқтисодиву иҷтимоии ВМКБ, беҳтар шудани сатҳи зиндагии сокинони вилоят дар доираи «Барномаи рушди иҷтимоиву иқтисодии ВМКБ дар давраи то соли 2015» силсилаи иқдомҳо тарҳрезӣ ва амалӣ шудаанд. Имсол низ бо ташаббуси Пешвои миллат муҳтарам Эмомалӣ Раҳмон ҷашни Рӯзи Ваҳдати миллӣ дар Вилояти Мухтори Кӯҳистони Бадахшон бо шукӯҳ ва шаҳомати хосса баргузор карда мешавад, ки он ба рушди боз ҳам бештари вилоят такони ҷиддӣ мебахшад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






