«Созандагони Ватан» ба «Роҳи Ваҳдат- 2016» оғоз мебахшанд
Душанбе, 30.06.2016 /АМИТ «Ховар»/. Соли чорум аст, ки аз ҷониби Ташкилоти ҷамъиятии ҷавонон «Созандагони Ватан» дар якҷоягӣ бо дигар ташкилотҳои ҷамъиятӣ дар рӯзҳои баргузории ҷашни Рӯзи Ваҳдати миллӣ роҳпаймоии автомобилии ҷавонон таҳти унвони «Роҳи Ваҳдат» доир карда мешавад. Чорабинии мазкур аз шаҳри Душанбе оғоз гардида, он аллакай дар минтақаҳои Суғд, Хатлон ва навоҳии тобеи марказ то ноҳияи Ҷиргатолу шаҳри Турсунзода баргузор шуд.
Имсол ташкилот тасмим дорад, ки онро аз 30 июн то 3 июл бо иштироки 90-100 нафар ҷавон аз минтақаҳои мухталифи кишвар дар шоҳроҳи Душанбе-Кӯлоб — Дарвоз- Рӯшон- Хоруғ- Ишкошим доир намояд.
Дар доираи чорабинӣ боздиди ҷавонон аз мавзеъҳои истироҳатию таърихӣ, дастовардҳои халқи тоҷик, ки дар даврони соҳибистиқлолии кишвар дар минтақаи биҳиштосои Ватани маҳбубамон маҳз бо талошҳои Президенти кишвар, Пешвои миллат муҳтарам Эмомалӣ Раҳмон ба вуҷуд омадаанд, сурат мегирад.
Муассисони чорабинӣ иброз медоранд, ки он ба тарбияи ҳисси ватандӯстии ҷавонон, тақвияти дӯстию рафоқати ҷавонони манотиқи гуногуни кишвар ва дар маҷмӯъ, ба Ваҳдати миллӣ дар миёни ҷавонон таъсири мусбат хоҳад расонид.
Дар шаҳри Бишкек ҷаласаи якуми Комиссияи байниҳукуматии Тоҷикистону Қирғизистон баргузор гардид
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
