Теъдоди ташкилотҳои террористӣ ва ифротгаро ба 92 расидааст
Душанбе, 8.06.2016 / АМИТ «Ховар»/. Котиби Шўрои амнияти Ҷумҳурии Тоҷикистон Абдураҳим Қаҳҳоров дар ҷаласаи навбатии Кумитаи котибони шўроҳои амнияти Созмони Аҳдномаи амнияти дастаҷамъӣ (СААД), ки 8 июни соли 2016 дар пойтахти Ҷумҳурии Арманистон – шаҳри Ереван баргузор гардид, иштирок ва суханронӣ намуд. Дар ин бора ба АМИТ «Ховар» аз котиботи Шӯрои амнияти Ҷумҳурии Тоҷикистон хабар доданд.
Дар ҷаласаи мазкур тадбирҳои иловагии рушди амнияти дастаҷамъии давлатҳои аъзои Созмони Аҳдномаи амнияти дастаҷамъӣ дар соҳаи муқовимат ба терроризм ва ифротгароии байналмилалӣ, лоиҳаи Стратегияи амнияти дастаҷамъии Созмони номбурда, рўйхати ягонаи ташкилотҳое, ки дар давлатҳои аъзои Созмон чун созмонҳои террористӣ ва ифротгаро пазируфта шудаанд, дигар масъалаҳои вобаста ба фаъолияти амнияти дастаҷамъӣ мавриди баррасӣ ва муҳокимаронӣ қарор гирифтанд.
Дар ҳошияи ҷаласа А.Қаҳҳоров бо баъзе ҳамкасбони худ мулоқот намуда, сатҳи ҳамкории дуҷонибаро дар соҳаи таъмини амният мавриди баррасӣ қарор доданд.
Тавре РИА «Новости» имрӯз иттилоъ дод, Кумитаи котибони шӯроҳои амнияти СААД рӯйхати ягонаи 92 ташкилотеро, ки дар давлатҳои аъзои СААД ҳамчун ифротгаро ва террористӣ пазируфта шудаанд, ба тасвиб расонид. Котиби генералии СААД Николай Бордюжа вобаста ба ин дар конфронси матбуотӣ изҳор дошт, ки агар соли 2009 ба чунин рӯйхат 32 ва соли 2010 – 47 ташкилот шомил карда шуда бошагнд, пас имрӯз теъдоди ташкилотҳои террористию ифротгаро ба 92 расидааст.
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
