4200 нафар сайёҳи хориҷӣ аз Муҷтамаи фарҳангию таърихии «Қалъаи Хуҷанд» дидан намуданд

Хуҷанд, 28.07.2016. /АМИТ«Ховар»/. Дар шашмоҳаи аввали соли равон беш аз 30 ҳазор нафар шаҳрвандону сайёҳон аз Муҷтамаи фарҳангию таърихии «Қалъаи Хуҷанд», Осорхона ва Хона-музейи Шайх Камоли Хуҷандӣ дидан намудаанд, ки аз ин шумор 4200 нафарашон сайёҳони хориҷӣ мебошанд.
Дар ин бора зимни ҷаласаи ҷамъбастии раёсати ҷавонон, варзиш ва сайёҳии вилояти Суғд иттилоъ дода шуд.
Таъкид гардид, ки баҳри ҷалб намудани шумораи сайёҳони хориҷӣ дар оянда низ тадбирҳои зарурӣ андешида шуда, аз имкониятҳои мавҷуда мақсаднок истифода карда мешавад.