Ҷаласаи якуми Шўрои ҳамоҳангсозӣ оид ба масъалаҳои обу энергетика

Июль 28, 2016 18:58

Душанбе, 28.07.2016 /АМИТ «Ховар»/. Бо супориши Сарвазири Ҷумҳурии Тоҷикистон, Раиси Шўрои ҳамоҳангсозӣ оид ба масъалаҳои обу энергетика Қоҳир Расулзода 22 июли соли ҷорӣ ҷаласаи якуми Шўрои ҳамоҳангсозӣ оид ба масъалаҳои обу энергетика баргузор гардид.

Муовини Сарвазири Ҷумҳурии Тоҷикистон, муовини Раиси Шўрои ҳамоҳангсозӣ оид ба масъалаҳои обу энергетика Азим Иброҳим дар бораи муҳимияти масъалаҳои баррасишаванда маълумот дода, доир ба иқдомҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз тарафи ҷомеаи ҷаҳонӣ дастгирӣ ёфтаанд, ёдовар шуд ва зарурати боз ҳам тақвияти корҳоро ҷиҳати пешбурди ин ташаббусҳо, хусусан пешниҳоди нави Пешвои миллат оид ба эълон намудани Даҳсолаи навбатии байналмилалӣ таҳти унвони «Об барои рушди устувор» таъкид намуд.

Дар робита ба ин, ҳамчунин аҳамияти Симпозиуми байналмилалии сатҳи баланд оид ба Ҳадафи шашуми рушди устувор – «Таъмини дастрасии ҳамагонӣ ба об ва беҳдошт», ки баргузории он 9-11 августи соли ҷорӣ дар ш. Душанбе ба нақша гирифта шудааст, муҳим арёбӣ карда шуд.

Вобаста ба рафти иҷрои «Барномаи истифодаи самаранокии захираҳои обии энергетикӣ ва сарфаҷӯии нерўи барқ барои солҳои 2012-2016» таъкид карда шуд, ки дар ҷумҳурӣ сохтмону таҷдиди як қатор нерўгоҳҳои барқии калону хурд, марказҳои барқу гармидиҳӣ, хатҳои интиқоли барқии баландшиддат ва миёнашиддат, зеристгоҳҳои барқӣ амалӣ шуда истодаанд.

Таъкид гардид, ки Вазорати энергетика ва захираҳои об, ШСХК «Барқи Тоҷик» самаранокии нерӯгоҳҳои барқи обии хурдро бо назардошти сардии ҳаво дар фасли зимистон таъмин намуда, шумораи нерӯгоҳҳои барқи обии хурдро бо назардошти нерӯгоҳҳои хурди аз ҷониби шахсони инфиродӣ сохташуда бори дигар муайян созанд.

Инчунин қайд карда шуд, ки   имкониятҳои сохтмони нерӯгоҳҳои барқи обии миёнаю бузург дар маҷрои дарёҳои кишвар вуҷуд доранд. Вобаста ба ин ба «Пажўҳишгоҳи лоиҳакашии «Нурофар» дастур дода шуд, ки асосноккунии техникию иқтисодии НБО «Норак-2»-ро, бори дигар такмил дода, барои баррасӣ пешниҳод намояд.

Татбиқи воқеии ин дастовардҳо имконият фароҳам меоваранд, ки назорат ва мониторинги истифодаи нерўи барқ дар иншооти барқӣ дуруст ба роҳ монда шуда, сарчашмаи талафоти воқеӣ дар маҷмуъ дарёфт ва муноисбатҳои хоҷагидорӣ ба танзим дароварда шаванд.

Июль 28, 2016 18:58

Хабарҳои дигари ин бахш

Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Шабонарӯзи наздик дар минтақаҳои алоҳидаи кӯҳии Тоҷикистон сар задани зуҳуроти селӣ дар назар аст
ОБУ ҲАВО: Имрӯз дар Тоҷикистон борони бошиддат меборад
Дар шаҳри Ваҳдат 208 килограмм маҳсулоти хӯроквории ғайристандартӣ нобуд карда шуд