Боз ду варзишгари Тоҷикистон дар Олимпиадаи Рио-2016 ширкат мекунанд
Душанбе, 12.07.2016. /АМИТ Ховар/. Анастасия Тюрина ва Олим Қурбонов, варзишгарони Тоҷикистон, дар Бозиҳои XXXI тобистонаи олимпӣ дар Рио-де-Жанейрои Бразилия дар мусобиқоти шиноварӣ иштирок хоҳанд кард.
Дар ин бора Ҳайдар Иброҳимов, раиси Федератсияи шиноварии Тоҷикистон, 12 июл ба сомонаи olympic.tj хабар дод. Вай афзуд, «ба унвони Федератсияи мо рӯзи 11 июл аз Федератсияи байналмилалии шиноварӣ (FINA) нома расид, ки дар он гуфта мешавад ба ду варзишгари Тоҷикистон — Анастасия Тюрина ва Олим Қурбонов барои иштирок дар Бозиҳои XXXI тобистонаи олимпӣ дар шаҳри Рио-де-Жанейрои Бразилия иҷозат дода шудааст. Ҳарду дар мусобиқот оид ба шиноварӣ бо тарзи озод ба масофаи 50 метр ширкат хоҳанд кард.
Ба гуфтаи Ҳайдар Иброҳимов ҳарду қаҳрамонҳои бисёркаратаи Тоҷикистон дар риштаи шиноварӣ маҳсуб мешаванд. Соли гузашта Анастасия Тюрина ва Олим Қурбонов дар ҳайати мунтахаби Тоҷикистон дар мусобиқоти қаҳрамонии ҷаҳон оид ба шиноварӣ дар шаҳри Қазони Русия ширкат доштанд.
Бояд гуфт, ки дар Олимпиадаи Лондон-2012 Тоҷикистонро дар намуди шиноварӣ танҳо як варзишгар Катерина Измайлова намояндагӣ карда буд.
Ба ин тартиб, то имрӯз ҳафт варзишгари Тоҷикистон ба ҳаққи ширкат дар Олимпиадаи Рио-2016 мушарраф шудаанд.
Ёдовар мешавем, ки гурзандози машҳури тоҷик Дилшод Назаров аз байни варзишгарони Тоҷикистон аввалин шуда соҳиби роҳхат ба Олимпиадаи Рио-2016 гардидааст. Олимпиадаи навбатӣ барои ӯ олимпиадаи чаҳорум ҳисоб мешавад.
Баъдан ду паҳлавони тоҷик Комроншоҳи Устопириён ва Муҳаммадмурод Абдураҳмонов дар риштаи дзю-до ҳуқуқи ширкат дар Олимпиадаи Рио-2016-ро ба даст оварданд. Ҳарду барои аввалин бор дар Бозиҳои олимпӣ ширкат меварзанд.
Муштзани тоҷик Анвар Юнусов бошад, бори сеюм дар бозиҳои олимпӣ иштирок хоҳад кард.
Инчунин Даврон Атабоев варзишгари тоҷик соҳиби роҳхат ба олимпиадаи соли 2016 гардидааст. Вай дар мусобиқаи 19-уми байналмилалӣ оид ба варзиши сабук барои ҷоизаҳои қаҳрамони Бозиҳои олимпӣ Татяна Колпакова, ки дар пойтахти Қирғизистон Бишкек доир гашт, масофаи 200 метрро дар зарфи 20,50 сония тай намуд. Ин натиҷа ба ӯ имкон дод, ки меъёри муқарраршударо иҷро кунад ва соҳиби роҳхат ба Олимпиадаи Рио-2016 шавад.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
