Дар ду рӯзи охир 7 нафар дар кӯлу дарёҳо ғарқ шудаанд

Июль 11, 2016 14:06

Душанбе, 11.07.2016. /АМИТ «Ховар»/. Ҳамасола дар фасли тобистон бо обшавии барфу пиряхҳо сатҳи оби кӯлу дарёҳо баланд гардида, хавфу хатари зиёд ба вуҷуд меояд. Ҳарорати ҳаво, ки дар ин фасл баланд мегардад, шумораи зиёди шаҳрвандон майл ба оббозӣ ва шиноварӣ карданро пайдо мекунанд. Ҳарчанд мутахассисони боду ҳавосанҷии кишвар дар рӯзҳои гарми фасли тобистон аз хатари оббозӣ эмин доштани шаҳрвандонро таъкид медоранд, мутаассифона, ҳодисаҳои нохуш дар кӯлу дарёҳо ба мушоҳида мерасанд. Бар замми ин аксаран аз бемасъулиятӣ ва беэҳтиётии волидайн наздикону пайвандони онҳо дар ҷӯйбор ва кӯлу дарёҳо ғарқ мешаванд. Ҳамаи калонсолон, бахусус волидайнро зарур аст, ки аз ҳодисаҳои нохуш худ ва наздикону пайвандонро эмин дошта, масъулияти зиёдеро бар дӯш дошта бошанд.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, 10 июли соли равон тахминан соати 14:30 ду нафар писарбачаи 17-солаи сокинони ноҳияи Рашт ҳангоми оббозӣ дар дарёи Сурхоби ҳудуди ноҳияи мазкур ғарқ шудаанд. Барои дарёфти ҷасадҳо чорабиниҳои кофтукобӣ идома доранд. Дар ин рӯз писарбачаи 16-солаи сокини ноҳияи Бохтар, ҳангоми аз дарёи Вахш гузаронидани дарзаи ҳезум, аз беэҳтиётиаш ғарқ шудааст.
Ҳамчунин, тахминан соати 20:30 писарбачаи 2-солаи сокини ноҳияи Б.Ғафуров аз беэҳтиётии волидайнаш ба ҷӯйбори назди хонаашон афтида, ба ҳалокат расидааст.
Рӯзи 9 июл духтарчаи 10-солаи сокини ноҳияи Варзоб аз беэҳтиётиаш дар ҷӯйбори обгузари ҳудуди деҳаи Харангони ноҳияи Варзоб афтида, ба ҳалокат расидааст. Дар ин рӯз писарбачаи 13-солаи сокини ноҳияи Ҷалолиддини Балхӣ, аз беэҳтиётиаш дар дарёи «Вахш» афтида, ғарқ шудааст.
Марди 24-солаи сокини шаҳри Душанбе, ҳангоми оббозӣ дар дарёи «Кофарниҳон» дар ҳудуди деҳаи Каҳлони шаҳри Ваҳдат ғарқ шудааст. Барои дарёфт намудани ҷасади номбурда чорабиниҳои кофтукобӣ идома доранд.

Июль 11, 2016 14:06

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт