Дар ноҳияи Деваштич 6 нафар дар садамаи нақлиётӣ ба ҳалокат расиданд
Душанбе, 25.07.2016. /АМИТ «Ховар»/. 24 июли соли равон тахминан соати 15:10 ронандаи мошини тамғаи «Тойота-Корола» Шералӣ Рабиев соли таваллудаш 1982, сокини шаҳри Қӯрғонтеппа, ҳангоми ҳаракат дар роҳи мошингарди «Душанбе-Хуҷанд-Чанноқ», дар ҳудуди ҷамоати деҳоти Яхтани ноҳияи Деваштич аз уҳдаи идораи воситаи нақлиёт набаромада, ба мошини тамғаи «Мерседес-Бенс» , ки ба шаҳрванд Соҳибҷон Юнусов, соли таваллудаш 1990, сокини ноҳияи Б.Ғафуров тааллуқ дорад, бархӯрдааст ва сипас, ба мошини тамғаи «Мерседес-Бенс», таҳти идораи шаҳрванд Сӯҳроб Сабуров соли таваллудаш 1980, сокини шаҳри Истаравшан бархӯрдааст.
Дар натиҷа ронандаи мошини тамғаи «Тойота-Корола» Ш. Рабиев ҷароҳати ҷисмонӣ бардошта, дар беморхонаи ноҳияи Спитамен бистарӣ гаштааст.
Мусофирони мошини мазкур Даврон Холов, соли тауваллудаш 1992, сокини шаҳри Қӯрғонтеппа ва хурдсол Майрам Холова, соли таваллудаш 2015, сокини ҳамон ҷо, ронандаи мошини тамғаи «Мерседес-Бенс» Соҳибҷон Юнусов ва мусофирони мошини мазкур Исроилҷон Тоҷибоев, соли таваллудаш 1991, Ҷамшед Файзиев, соли таваллудаш 1990 ва Азимбой Ҷӯраев, соли таваллудаш 1990- сокинони ноҳияи Б.Ғафуров, ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд.
Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
