Дар шаҳри Хуҷанд Рӯзи нақлиётчиён таҷлил карда шуд
Хуҷанд, 26.07.2016. /АМИТ «Ховар»/. Бахшида ба Рӯзи нақлиётчиён, ки ҳамасола 25 июл таҷлил карда мешавад, дирӯз дар шаҳри Хуҷанд чорабинии тантанавӣ бо иштироки кормандон, ронандагон ва маъмурияти муассисаҳои нақлиёти боркашонӣ ва мусофиркашонии маркази вилояти Суғд баргузор гардид.
Роҳбарияти вилоят тамоми нақлиётчиёнро табрик намуда, зикр кард: «Соҳаи нақлиёт яке аз самтҳои афзалиятноки хоҷагии халқ маҳсуб ёфта, рушди кулли соҳаҳо ва набзи шаҳрдорӣ бо фаъолияти нақлиётчиён алоқаманд аст.
Ҳамарӯза 846 адад микроавтобус ва 4 адад автобусҳо дар 92 хатсайр дар ҳудуди маркази вилоят ва маҳаллаҳои атрофи он ба сокинону меҳмонон хизмат мерасонад.
Аз оғози сол тавассути ҳамаи намуди воситаҳои нақлиёт 638,4 ҳазор тонна бор ва 21,4 млн. нафар мусофирон кашонда шуданд, ки нисбат ба ҳамин давраи соли гузашта мутаносибан 100,1 ва 110,2 %-ро ташкил медиҳад».
Дар интиҳои чорабинӣ раиси шаҳри Хуҷанд ба 29 нафар кормандони фаъоли соҳа Сипоснома ва тӯҳфаҳои хотиравӣ тақдим намуд.








АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид






