Дастовардҳои соҳаи дерматовенерология дар солҳои истиқлолият

Душанбе, 12.07.2016. /АМИТ «Ховар»/. Бахшида ба 25-умин солгарди Истиқлолияти давлатии Ҷумҳурии Тоҷикистон дар Китобхонаи миллии Тоҷикистон мизи мудаввар дар мавзўи «Дастовардҳо, афзалиятҳо ва ҷанбаҳои актуалии рушди дерматовенерология» баргузор гардид.
Дар   мизи мудаввар намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон,   Ташкилоти башардустонаи давлатии Олмон бар зидди бемориҳои ҷузом ва сил,  Пажуҳишгоҳи илмӣ-тадқиқотӣ оид ба омӯзиши бемории ҷузом аз шаҳри Астрахани Федератсияи Русия иштирок намуданд.
Бояд зикр намуд, ки дар мизи мудаввар маърӯзаҳо оид ба  «Пайдоиши клиникаи пайҳои пӯст дар минтақаҳои гуногуни Ҷумҳурии Тоҷикистон» ва  «Дастовардҳои соҳаи дерматовенерология дар солҳои истиқлолият» баррасӣ гардиданд.