Директори Агентии «Тоҷикстандарт» аз риоя нашудани талаботи ҳуҷҷатҳои меъёрӣ ҳангоми истеҳсоли маҳсулоти ҳасибӣ изҳори нигаронӣ кард

Июль 29, 2016 11:08

Душанбе, 29.07.2016. /АМИТ «Ховар»/. Чанде қабл дар доираи ҳимояи бозори истеъмолӣ аз воридшавии маҳсулоти бесифат ва ба саломатӣ хатарнок аз тарафи гурўҳи кории масъулини Агентии стандартизатсия, метрология, сертификатсия ва нозироти савдои  «Тоҷикстандарт» дар коргоҳҳои истеҳсоли маҳсулоти ҳасибии пойтахт ва ноҳияҳои атрофи он назорати давлатӣ гузаронида шуд. Дар раванди санҷишҳо бино бар сабаби риоя нагардидани талаботи ҳуҷҷатҳои меъёрӣ  нисбат ба 19 нафар истеҳсолкунандагони маҳсулоти ҳасиб тибқи Кодекси ҳуқуқвайронкунии маъмурӣ чораҳо андешида шуданд.
Аз Агентии «Тоҷикстандт» ба АМИТ «Ховар» иттилоъ доданд, ки бо мақсади ба танзим даровардан ва ислоҳи камбудиҳо дар Агентии «Тоҷикстандарт» бо иштироки зиёда аз 25 нафар роҳбарон ва намояндагони корхонаву коргоҳҳои истеҳсоли ҳасиб, ки дар шаҳри Душанбе ва навоҳии атрофи он фаъолият доранд, вохурӣ доир гардид.
Дар вохӯрӣ директори Агентӣ Ибодулло Қурбониён оид ба риоя нагардидидани талаботи ҳуҷҷатҳои меъёрӣ аз тарафи аксарияти истеҳсолкунандагон ҳангоми истеҳсол ва ба муомилот баровардани маҳсулоти ҳасибӣ изҳори нигаронӣ намуда, аз соҳибкорон ҷиҳати риояи ҳатмии талаботи муқарраршуда ва ба мардум пешниҳод намудани маҳсулоти ғизоии босифату бехатар даъват ба амал овард.
Мавсуф, аз ҷумла изҳор дошт, ки бо назардошти қабул гардидани регламентҳои техникии «Тамғагузории маҳсулоти хўрокворӣ», «Бехатарии маҳсулоти хўрокворӣ» ва «Бехатарии гўшт ва маҳсулоти гўштӣ» минбаъд истеҳсол ва фурўши маҳсулоти хўрокворӣ, бахусус маҳсулоти ҳасибӣ ба танзим дароварда шуда, назорат дар ин самт ҷиддӣ ба роҳ монда мешавад.
«Ҳолатҳои зиёде ҷой доштанд, ки истеҳсолкунандагони ҳасиб асосан аз пўсти мурғ истифода мебурданд, вале имрўз истифодаи пўсти мурғ бо дигар маҳсулоти гўштӣ қатъиян аз шартҳои техникии истеҳсоли маҳсулот хориҷ карда шуд ва он таъйиноти мушаххаси истифода надорад.  Дар ин замина тавсия дода мешавад, ки дар истеҳсоли ҳасиб асосан  маҳсулоти аз ҷиҳати экологӣ тоза ва бехатари ватанӣ истифода карда шавад. Дар самти гузаронидани назорати давлатӣ бошад, минбаъд намунаҳои барои ташхис пешниҳодшаванда аз коргоҳҳои истеҳсолӣ ва нуқтаҳои савдо гирифта мешаванд. Инчунин дар самти тамғагузорӣ низ камбудиҳо ҷой доранд, аз ҷумла дар маводҳои худчасп сабт намудани санаи истеҳсол ва муҳлати истеъмолӣ  зиёд ба назар мерасанд»,- таъкид намуд И. Қурбониён.
Дар фарҷом миёни соҳибкорон ва мутахассисон оид ба риояи талаботи ҳуҷҷатҳои меъёрӣ-техникӣ, истифодаи маҳсулоти хоми истеҳсоли ватанӣ таболули афкор сурат гирифт.

Июль 29, 2016 11:08

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд