Фаъолияти соҳибкороне, ки нархҳои тавсиявиро риоя намекунанд, қатъ карда мешавад

Душанбе, 04.07.2016/АМИТ «Ховар»/. Фаъолияти соҳибкороне, ки  рӯзҳои 4-5 июл иқдомоти мақомоти иҷроияи ҳокимияти давлатӣ дар шаҳри Душанберо дар мавриди фурӯши 21 намуди анвои маҳсулоти мавриди ниёзи аввал  нархҳои тавсиявии онро риоя намекунанд ва хунукназарона рафтор менамоянд,  дар бозорҳо қатъ  карда мешавад.
Бояд тазаккур дод, ки мақомоти иҷрояи ҳокимияти давлатӣ дар шаҳри Душанбе дар арафаи иди саиди Фитр нархи  21 номгӯи маҳсулоти хӯроквориро дар бозорҳои шаҳр бо риояи нархҳои тавсиявӣ муайян намуда буд, ки чунин аст:  1 кг картошка -1 сомонию 20 дирам, карам — 80 дирам, бехпиёз — 80 дирам, сабзӣ — 1 сомонию 50 дирам, помидор — 2 сомонию 50 дирам, бодиринг — 3 сомонӣ, себ — 5 сомонию 40 дирам, биринҷ — 8 сомонию 50 дирам, нахӯд — 13 сомонӣ, лӯбиё — 8 сомонӣ, мош — 8 сомонӣ, равғани пахтаи доғкардашуда — 10 сомонӣ, гӯшти гов — 30 сомонӣ, гӯшти гӯсфанд — 31 сомонӣ, шакар — 6 сомонӣ, чойи сиёҳ — 17 сомонӣ, чойи кабуд — 18 сомонӣ, 1 литр шир — 3 сомонӣ, 10 дона тухм — 6 сомонӣ, 1 кг орди навъи якум — 3 сомонӣ ва 1 дона нони 400 грамма — 1 сомонию 50 дирам.
Дар ин зимн аз кулли сокинони шаҳр даъват карда мешавад, ки нисбати маҳсулоти мавриди таваҷҷуҳ ба нархҳои тавсияшуда диққат диҳанд.