Кӯлоб: Фаъолияти дастгоҳҳои муосири тиббӣ мушкили беморонро осон намуд

Душанбе. 11.07.2016. /АМИТ «Ховар»/. Сокинони шаҳри Кӯлоб аз сабаби дар марказҳои тиббии шаҳрӣ  мавҷуд набудани дастгоҳҳои замонавии тиббӣ, аз қабили ангиограф, стсентограф ва томограф  маҷбур мешуданд, ки  ба маркази вилоят ё шаҳри Душанбе сафар намоянд, ки боиси сарф намудани  маблағ ва вақти зиёди  беморон мегардид.
Хурсандиовар аст, ки  ба фаъолият шурӯъ намудани дастгоҳҳои муосири  тиббӣ — ангиограф, стсентограф томограф дар маркази ташхиси Беморхонаи клиникии вилоятӣ ба номи Б. Воҳидов ва момограф дар Маркази саратоншиносии шаҳри Кӯлоб мушкилоти беморонро осон намуда, ба шаҳри Душанбе ва хориҷи кишвар муроҷиат намудани корафтодагонро коҳиш дод.