Курсанти Академияи ВКД дар мусобиқаи байналмилалӣ соҳиби медали тилло гашт
Душанбе, 07.07.16. /АМИТ «Ховар»/. Курсанти Академияи Вазорати корҳои дохилӣ, дастпарвари Шӯрои ҷумҳуриявии «Динамо» Акбар Ҷабборов дар мусобиқаи байналмилалӣ оид ба кикбоксинг, ки дар шаҳри Шенчжени Ҷумҳурии Халқии Хитой доир гардид, иштирок намуда, бо медали тилло ва Ҷоми «Super star fight» ба Ватан баргашт.
Тавре сомонаи расмии ВКД хабар медиҳад, Акбар Ҷабборов дар рақобатҳо дар вазни 65 кг миёни варзишгарони касбӣ баромад намуда, дар даври ниҳоӣ пас аз шикаст додани рақибаш аз Ҷумҳурии Халқии Хитой бо се зарбаи аз по афтондан мақоми аввалро ишғол намудааст.
Қобили қайд аст, ки дар ин мусобиқаи бонуфузи байналмилалӣ намояндагони зиёда аз 10 кишвари дунё ширкат доштанд.
Акбар Ҷабборови 22-сола дар намуди варзиши кикбоксинг беш аз 10 сол аст, ки дар Маҷмааи варзишии Шӯрои Ҷумҳуриявии «Динамо»-и ВКД таҳти таълими устодонаш Сафар Маллаев ва Сиёвуш Шарипов пайваста дар тамрин буда, айни замон курсанти Академияи Вазорати корҳои дохилӣ мебошад. Ӯ дар баробари ба варзиш шуғл доштан, дар омӯхтани илму дониш низ фаъолияти назаррас дорад.
Орзуи Акбар Ҷабборов ин аст, ки пас аз хатми Академияи Вазорати корҳои дохилии Ҷумҳурии Тоҷикистон, дар оянда корманди мақомоти милитсия шуда, ба халқу Ватани азизи худ содиқона хизмат намояд.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
