Ҷоизаҳои КИ ҲХДТ соҳибони худро пайдо карданд
Душанбе, 7.07.2016 /АМИТ «Ховар»/. Дар вилояти Суғд маросими супоридани нахустин ҷоизаҳои Кумитаи иҷроияи Ҳизби Халқии Демократии Тоҷикистон бо иштироки роҳбарони муассисаҳои олӣ, устодону олимон ва кормандони дастгоҳи Кумитаи иҷроияи вилоятӣ баргузор гардида, панҷ нафар барандагони ҷоизаҳо муайян шуданд.
Ҳамчунин ба ҷоизадорон аз тарафи Кумиаи иҷроияи Ҳизби Халқии Демократии Тоҷикистон нишон ва маблағи пулӣ дар ҳаҷми 1500 сомони тақдим гардид.
Бояд зикр кард, ки Кумитаи Иҷроияи Ҳизби Халқии Демократии Тоҷикистон дар вилояти Суғд бори аввал дар чаҳор риштаи илм: адабиёт, таърих, фарҳанг ва журналистика ҷоизаҳои худро таъсис дод.
Ҷоизаҳои Кумиҷроия мансуб ба аҳли илму адаб буда, дар ду сол як маротиба супорида мешаванд.