Олмон ба беҳтаршавии сифати хизматрасонии тиббӣ дар Тоҷикистон кумак менамояд
Душанбе, 02.07.2016. /АМИТ «Ховар»/. Дар шаҳри Душанбе маросими имзои Шартномаи оид ба пешниҳоди кумаки молиявӣ (грант) аз ҷониби Олмон ба барномаи соҳаи тандурустӣ доир гардид.
Санади мазкурро аз ҷониби Тоҷикистон Вазири рушди иқтисод ва савдо Неъматулло Ҳикматуллозода ва аз ҷониби Олмон роҳбари намояндагии Бонки олмонии рушд (KfW) дар Тоҷикистон Кристин Лаабс имзо намуданд.
Тибқи ин шартнома Ҳукумати Олмон барои татбиқи давраи 5-уми лоиҳаи «Ҳифзи саломатии модару кӯдак ва ёрии таъҷилии тиббӣ» ба Тоҷикистон кумаки молиявӣ пешниҳод менамояд.
Бояд тазаккур дод, ки дар доираи барномаи мазкур қаблан 27,5 млн. евро ҷудо гардида буд, ки он ҷиҳати такмили соҳаи тандурустӣ ва таҷдиди таваллудхонаҳо, расондани ёрии таъҷилӣ дар беморхонаҳои марказии вилоят ва ноҳияҳои вилояти Хатлон равона шудааст.
Гуфта мешавад, ки бо татбиқи ин барнома дастрасии аҳолӣ ба хизматрасонии сифатноки тиббӣ беҳтар мегардад.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
