Овозхони шинохтаи тоҷик аз олам даргузашт
Душанбе, 05.07.2016/АМИТ «Ховар/. Санъати овозхонии тоҷик талафоти калон дод. Дар сини 56 солагӣ ҳунарманди шинохтаи Ҷумҳурии Тоҷикистон собиқ роҳбари ансамбли «Гулшан» Субҳони Саид шаби 5-уми июл бар асари бемории тӯлонӣ аз олам даргузашт. Субҳони Саид дар соли 1983-уми қарни 20 ба саҳнаи ҳунари овозхонӣ қадам гузошта, бо саъю талош, истеъдоди фақулодда ва сабку услуби хосаи ҳунари сарояндагӣ дар солҳои 90-уми саддаи 20 яке аз овозхонҳои маъруфи кишвар буд ва дар байни мардум бо оҳанг ва суруди таронаҳои дилошӯбаш маҳбубияти хоса дошт.
Субҳони Саид соли 1960 дар Ҳисор таваллуд шуда, таълими ибтидоиро дар зодгоҳаш деҳаи Кушкак гирифтааст. Баъд аз хатми Омӯзишгоҳи санъати ноҳияи Рӯдакӣ тӯли ду сол 1979-1981 дар сафи Қувваҳои Мусаллаҳи собиқ Иттиҳоди Шӯравӣ хизмат намудааст. Баъди бозшгашт аз сафи Артиш дар шӯъбаи фарҳанги ноҳияи Ҳисор ва дар давоми солҳои 1983- 1985 дар ансамбли эстрадии дар он солҳо овозадори Суғдиён фаъолият намудааст. Инчунин Субҳони Саид дар дастаи ҳунарии Ганҷина-и Филармонияи давлатии Ҷумҳурии Тоҷикистон ба ҳайси овозхон кор карда, дар солҳои 1993-2008 роҳбари ансамбли эстрадии «Гулшан»-ро ба ӯҳда дошт. Субҳони Саид дар тули умри кутоҳи худ бо оҳанг ва суруду таронаҳои дилчаспаш дар байни мардум шӯҳратёр гардида, ҳамчун овозхони беҳтарин эътироф гардиааст. Соли 2003 дар озмуни ҷумҳуриявӣ, ки миёни овозхонҳои сабки эстрада доир шуд, Субҳони Саид мақоми аввалро касб намуда, «Ситораи сол» эълон гардид.








АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид






