Раҳим Санъат Асо: «Бинобар риоя накардани қоидаҳои бехатарӣ иншоотҳои саноати кӯҳӣ ба маблағи беш аз 238 ҳазор ҷаримабандӣ карда шуданд»

Июль 16, 2016 12:43

Душанбе, 16.07.16. /АМИТ «Ховар»/. Фаъолияти зиёда аз 20 корхонаи саноати куҳӣ дар шашмоҳаи аввали соли ҷорӣ  барои надоштани ҳуҷҷатҳои меъёрию техникӣ боздошт карда шуд.
Ин нуқтаро зимни нишасти хабарӣ Раҳим Санъат Асо,  сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати ҶТ зикр намуд.
Ба иттилои сардори хадамот, ҳамчунин ба фаъолияти 81 корхона ва иншоот барои наандешидани чораҳои лозимӣ оид ба пешгирӣ ва сар назадани ҳодисаҳои нохуш  дар иншоотии истеҳсолии хатарнок супориш оид ба боздошти кор пешкаш гардид.
Аз ҷониби кормандони хадамоти мазкур барои риоя накардани қоидаҳои бехатарии саноатӣ шахсони масъули корхонаҳо ба ҷавобгарии маъмурӣ кашида шуда, ба маблағи 238 ҳазору 500 сомонӣ ҷаримабандӣ карда шуданд, ки нисбат ба ҳамин давраи соли гузашта 3 баробар зиёд мебошад.
Бояд зикр кард, ки  дар Хадамоти назорати давлатии бехатарии корҳо дар саноат ва соҳаи кӯҳкорӣ зиёда аз 2 ҳазор корхона ва  беш аз 12 ҳазору 600 иншооти зериназоратӣ ба қайд гирифта шудаанд.
Тавре пештар иттилоъ дода будем, дар нимсолаи аввали соли равон  зимни анҷоми корҳои зеризаминӣ  дар иншоотҳо  20 ҳодисаи нохуш, ки дар натиҷа 14 нафар ҳалок  ва 14 нафар ҷароҳати ҷисмонӣ бардоштанд,  ба қайд гирифта шудаанд.

Июль 16, 2016 12:43

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад