«Роҳи Ваҳдат — 2016»: Роҳпаймоии ҷавонон ба ВМКБ

Июль 4, 2016 12:09

Душанбе, 04.07.2016 /АМИТ «Ховар». /. Бо ташаббус ва дастгирии Ҳизби Халқии Демократии Тоҷикистон, ташкилоти ҷамъиятии «Созандагони Ватан» дар ҳамкорӣ бо гурӯҳи ҷавонони «Пешоҳанг» таҳти шиори роҳпаймоии ҷавонон «Роҳи Ваҳдат — 2016» ба сӯи Вилояти Мухтори Кӯҳистони Бадахшон шурӯъ гардид.
Зимни роҳпаймоӣ як зумраи ҷавонони фаъоли кишвар ба ноҳияи Рӯшони ВМКБ расиданд. Онҳоро мардуми меҳмоннавози ноҳияи Рӯшон самимона истиқбол гирифтанд.
Ҷавонони рӯшонӣ ҳангоми суҳбат бо ҳамсолони хеш аз сулҳу ваҳдат, ободии диёр ва пешравию тараққиёти мамлакат сухан ронда, аз он шукргузорӣ менамуданд, ки бо дастгирии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон имрӯзҳо тамоми ҷавонони хушбахти даврон, ҳам дар дохил ва ҳам дар хориҷи кишвар имконияти омӯхтани илму техника, фарҳангу тамаддун ва забонҳои давлатҳои мутараққии ҷаҳонро доранд.
Пас аз мулоқот бо сокинону ҷавонони ноҳияи Рӯшон гурӯҳи роҳпаймоён роҳ ҷониби ноҳияи Ишкошим пеш гирифтанд.
Ҳангоми сӯҳбат аъзои фаъоли гурӯҳи ҷавонони «Пешоҳанг», донишҷӯи соли 4-уми факултаи ҳуқуқшиносии Донишгоҳи миллии Тоҷикистон Аслиддин Хушвахтов иброз дошт, ки ҷавонони фаъоли гурӯҳи Пешоҳанг дар ҳамкорӣ бо «Созандагони Ватан» иқдомеро пеша кардаанд, ки он танҳо барои ободии Ватани азиз, созандагию бунёдкорӣ ва осоиштагию амнияти кишвар, ҳамчунин дар замири ҷавонон бедор намудани ҳисси баланди ватандӯстӣ, ифтихор аз Ватану ватандорӣ ва арҷгузорӣ ба муқаддасоти миллӣ равона карда шудааст.
Гурӯҳи ҷавонон таҳти унвони роҳпаймоии ҷавонони «Роҳи Ваҳдат — 2016» 2 июл  вориди шаҳри Хоруғ гардиданд.

Июль 4, 2016 12:09

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд