Сехи хурд дар деҳаи Ёл фаъол гардид
Ш. Шоҳин, 07.07.2016 /АМИТ «Ховар» /. Бо дастгирии Ҳукумати Ҷумҳурии Тоҷикистон дар деҳоти дурдасти кишвар зери лоиҳаҳои гуногуни давлати корхонаҳои хурду бузург мавриди истифода қарор дода мешаванд. Дар деҳаи Ёли ҷамоати деҳоти ба номи «Нуриддин Маҳмудов»-и ноҳияи Шамсиддин Шоҳин дар доираи «Робитаҳои иқтисодӣ ва иҷтимоии сохтори молиявӣ барои рушди соҳаҳои гуногуни Тоҷикистон» дар ҳамкории ҳокимияти маҳаллӣ бо барномаи Ҷонибдории Инкишофи иҷтимоии манотиқи кӯҳистон бо маблағгузории Ҳукумати Ҷумҳурии Тоҷикистон ва ЮСАИД /USAID/ як сехи хурди коркарди меваю сабзавот бо харҷи маблағи 46 ҳазор сомонӣ фаъол гардид.
Дар сехи мазкур 16 нафар занон бо ҷои кор таъмин гардиданд. Тавре Нигорбӣ Эркаева, сокини ноҳияи Ш. Шоҳин иттилоъ дод, деҳаи Ёл калонтарин деҳаи ҷамоати мазкур ба ҳисоб рафта, сокинони он ба сабзавоткорӣ, боғдорӣ ва чорводорӣ машғуланд. Ҳамасола дар ин деҳа ва деҳоти гирду атроф даҳҳо тонна зардолую шафтолу ва себу нок ҷамъоварӣ мекунанд, вале як қисмати он талаф меёфт. То ин дам занони деҳа як қисми маҳсулотро дар хонаҳояшон консерва мекарданд ва бо фаъол гардидани сехи мазкур имкон доранд меваю сабзавоти истеҳсонамудаашонро дар сех коркард намоянд. Давоми ду рӯзи фаъолият дар сех занон тавонистанд 620 банка маҳсулоти гуногун истеҳсол намоянд ва дар оянда мехоҳанд корхонаро васеъ намуда, истеҳсоли маҳсулотро афзоиш диҳанд. Сокинони деҳоти мазкур аз сабаби набудани роҳ низ дар содироти маҳсулот танқисӣ мекашиданд, ки ин масъала низ бо анҷоми сохтмони роҳи Кӯлоб- Кулма- Қароқурум ҳалли хешро пайдо хоҳад кард.
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
