Тоҳир Муъминов сармураббии нави бошгоҳи ССКА «Помир» интихоб шуд

Июль 21, 2016 15:05

Душанбе, 21.07.2016. /АМИТ «Ховар»/. Мақоми сармураббии дастаи ССКА «Помир»-и Душанбе бе роҳбар дер давом накард. Дар ин мақом Раҳматулло Фузайловро, ки дирӯз аз вазифааш барканор шуд, Тоҳир Муъминов, мураббии кордону таҷрибадор ва яке аз ҳамлагари беҳтарини дастаи мунтахаби кишвар иваз намуд. Охирин бошгоҳе, ки Муъминов то ин дам фаъолият дошт, дастаи «Равшан»-и Кӯлоб буд. Ин масъулиятро ӯ дар нимаи соли 2015 бар дӯш гирифта, ҳамон сол дар сабқатҳои қаҳрамонии Тоҷикистон оид ба футбол нишонҳои биринҷиро ба даст овард.
Дар оғози мавсими нави футбол дар кишвар Муъминов аз мақоми сармураббии дастаи «Равшан»-и Кӯлоб канор рафт. Тоҳир Муъминов 45-сол дошта, таҷрибаи хубу кофии ҳамкорӣ бо бошгоҳҳои «Фаррух»-и Ҳисор, «Энергетик»-и Душанбе, «Вахш»-и Қӯрғонтеппа, «Хайр»-и Ваҳдат ва дастаи мунтахаби ҷавонони то 16-солаи Тоҷикистонро доро мебошад. Ӯ ҳамзамон ба бозинагарони дастаи «Симурғ Алборз»-и Афғонистон низ маҳорату малакаи футболбозӣ омӯхтааст. Тоҳир Муъминов дар мақоми сармураббии дастаи ССКА «Помир» аз рӯзи 24 июл оғоз мекунад ва худи ҳамин рӯз бо дастаи «Регар Тадаз»-и Турсунзода дар доираи рақобатҳои марҳилаи 1/8-ниҳоии Ҷоми Тоҷикистон майдондорӣ мекунад. Ёдовар мешавем, ки Раҳматулло Фузайлов бо иллати ҳунарнамоии ғайриқаноатбахши дастаи ССКА «Помир» аз ин мақом барканор гардидааст. Ҳадафи назди ситоди мураббиёни бошгоҳ гузошташуда ин касби мақоми сеюм дар қисмати аввали чемпионати Тоҷикистон ба ҳисоб мерафт, аммо ин зинаро дастаи «Вахш»-и Қӯрғонтеппа ба даст овард. Тими ССКА «Помир» бошад, дар зинаи шашуми ҷадвал қарор гирифт.

Июль 21, 2016 15:05

Хабарҳои дигари ин бахш

ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд