Ваҳдат: дар Литсеи ба номи Темур Собиров истироҳатгоҳ барои 60 нафар мактаббача ташкил карда шуд

Ваҳдат, 13.07.2016. /АМИТ «Ховар»/. Дар шаҳри Ваҳдат барои солимгардонии мактаббачагон бо ташаббуси ташкилоти ибтидоии Ҳизби халқии демократии Тоҷикистон дар шаҳри Ваҳдат дар Литсеи ба номи Темур Собиров истироҳатгоҳ барои 60 нафар мактаббача ташкил карда шуд.
Дар истироҳатгоҳ мактаббачагон бо се вақт хӯроки гарм таъмин буда, бо бозиҳои гуногуни шавқовар, аз қабили «Офарин!», «Кани, духтарон !», «Кани, писарон!» ва шашкаву шоҳмот машғул мешаванд.
Роҳбарияти ташкилоти ибтидоии ҳизбии литсей тасмим гирифтааст, ки соли оянда чунин истироҳатгоҳҳоро барои зиёда аз 100 нафар ташкил намоянд.