А. Абдуллоев: «Ба директорони мактаб маблағ дода, хонандагонро маҷбурӣ ба суғурта фаро гирифтан беасос аст»
Душанбе, 06.08.2016. /АМИТ «Ховар»/. Дирӯз зимни нишасти хабарӣ муовини аввали раиси Корхонаи воҳиди давлатии «Тоҷиксуғурта» Абдулло Абдуллоев дар мавриди ҳамкорӣ бо директорони мактабҳои ҷумҳурӣ иброз дошт, ки «Тоҷиксуғурта» ягон ҳамкории тиҷоратиро бо директорони мактабҳо ба роҳ намондааст.
«Мо ба ягон нафар супориш надодаем, ки бо директорони мактабҳо ба тиҷорат машғул шаванд. Мо танҳо нозирони худро ба мактабҳо равон намуда, аз директорон хоҳиш менамоем, ки барои фаро гирифтани суғуртавӣ ба мо мусоидат намоянд. Роҳбарони мактабҳо ҳамчун фаъолони (активҳои) суғуртавӣ мусоидат менамоянд, ки намояндаи КВД «Тоҷиксуғурта» дар ягон маҷлиси онҳо иштирок карда, корҳои фаҳмондадиҳӣ ва моҳияти суғуртаро ба мактаббачагон расонад»,- гуфт Абдулло Абдуллоев.
Абдулло Абдуллоев ҳамчунин илова намуд: «Нафаре, ки қонуншиканӣ мекунад, тибқи талаботи қонунгузорӣ ба ҷавобгарӣ кашида мешавад. Ба тиҷорат машғул шудану ба директорони мактаб маблағ дода, хонандагонро маҷбурӣ ба суғурта фаро гирифтан беасос аст».
Дар шаҳри Душанбе ҳашари экологии «Тозагии маҳал» гузаронида шуд
4 август дар Консерваторияи миллии Тоҷикистон нишасти матбуотӣ доир мегардад
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 37 дараҷа гарм мешавад
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
