Агентии обуҳавошиносӣ: «Рӯзҳои наздик ҳавои бебориш дар назар аст»

Душанбе, 01.08.2016. /АМИТ «Ховар»/. Рӯзҳои наздик дар ҷумҳурӣ ҳавои тағйирёбандаи бебориш дар назар дошта шуда, 2-3 август дар минтақаи ҷанубии Тоҷикистон шабона 22-27, рӯзона 36-41 дараҷа гарм хоҳад шуд.
Тавре ки ба АМИТ «Ховар» аз Агентии обуҳавошиносии Тоҷикистон хабар доданд, дар вилояти Суғд низ ҳавои тағийрёбандаи бебориш пешгӯӣ шуда, ҳарорати ҳаво шабона 21-26, рӯзона 33-38 дараҷаро ташкил медиҳад.
Дар Вилояти Мухтори Кӯҳистони Бадахшон ҳавои тағйирёбанда шуда,  ҳарорат дар ғарб шабона 11-16, рӯзона 28-33; дар шарқ шабона 3-8 рӯзона 16-21 дараҷа хоҳад расид.
Дар Душанбе  ҳавои тағйирёбандаи бебориш пешгӯӣ шуда, шабона 15-20, рӯзона 38- 40 дараҷа гарм мешавад.
Дар ноҳияҳои тобеи марказ  ҳарорат  шабона 16-20 дараҷа ва рӯзона то 34-39 дараҷа мерасад.