Амалиёти «Тартибот» дар ВМКБ ҳолатҳои вайрон кардани қоидаи ҳаракати роҳро ошкор кард
Хоруғ, 08.08.2016. /АМИТ «Ховар»/. Кормандони шуъбаи Бозрасии давлатии автомобилии РВКД дар Вилояти Мухтори Кӯҳистони Бадахшон зимни анҷоми амалиёти «Тартибот» садҳо мошинҳои сиёҳшиша, пардапӯш, бе рақами давлатию бо рақамҳои давлатҳои хориҷиро боздошт ва ронандагонашонро ба муҷозот кашиданд.
Ба гуфтаи роҳбари Маркази матбуотии ин раёсат Далер Чоршанбиев, аксарияти вайронкунандагони қоидаи ҳаракати роҳ ҷавонони аз 20 то 30 сола мебошанд, ки иддае аз онҳо ҳатто шаҳодатномаи ронандагӣ дар даст надоштанд ва бархе дар ҳолати мастӣ сари чамбари мошин нишаста буданд. Маҳз бо гуноҳи ҳамин гуна афрод дар ним соли охир дар роҳҳои мошинагарди вилоят бар асари садамаи автомобилӣ 7 нафар ба ҳалокат расида, ду нафар ҷароҳати вазнин бардоштанд.
Яке аз ҳадафҳои аслии ин амалиёти вижа тавассути маслиҳат, ташвиқу тарғиб аз ҷониби кормандони Бозрасии давлатии автомобилӣ пешгирӣ ва кам намудани ҳодисаҳои нохуш дар роҳҳои автомобилгард мебошад.
Роҳбари Маркази матбуотии РВКД зикр намуд,ки дар доираи ин амалиёт гурӯҳе аз кормандони БДА ба лагерҳои тобистона рафта, ба кӯдакону наврасон оид ба риояи қоидаи ҳаракат дар роҳҳои мошингард маълумот ироа намуданд.
Имрӯз дар шаҳри Душанбе ҳаво то 34 дараҷа гарм мешавад
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
