«Андалеб -2016»: ҳаваскорони Кӯлоб 98,4 хол ба даст оварданд
Душанбе, 17.08.2016. /АМИТ «Ховар»/. Тавре ки қаблан иттилоъ дода будем, дар Филармонияи давлатии Тоҷикистон ба номи Акашариф Ҷӯраев даври ниҳоии Фестивал-озмуни ҷумҳуриявии телевизионии эҷодиёти халқ «Андалеб-2016» аз 12 то 21 августи соли равон баргузор мегардад.
Ин навбат дар фестивал намоиши ҳунарҳои мардумӣ ва барномаи консертии ҳаваскорони шаҳри Кӯлоб манзури бинандагон гардид.
Аз байни шартҳои озмун иҷрои суруди якка- «Модар» аз ҷониби ҳунарманди ҷавон Бахтиёри Комил ва рақси якка- «Ҷавонӣ» дар иҷрои ҳаваскори ҷавон Раҳима Қосимова ба тамошобинон бештар писанд омад. Ҳакамон иброз доштанд, ки ҳам рақс ва ҳам суруд дар сатҳи баланди касбӣ иҷро шуд ва ҳар ду намоишро бо 10 холӣ баҳогузорӣ намуданд. Дар маҷмӯъ шаҳри Кӯлоб 98,4 хол ба даст овард.
Хотиррасон менамоем, аз 10 шаҳру навоҳии кишвар, ки ба даври ниҳоии Фестивал-озмуни ҷумҳуриявии телевизионии эҷодиёти халқ «Андалеб-2016» роҳ ёфтаанд, ҳунармандони ноҳияи Синои шаҳри Душанбе ба гирифтани 100,6 хол сазовор гардида, аз дигарон пешсафанд.
Имрӯз дар водиҳои Тоҷикистон ҳаво то 39 дараҷа гарм мешавад
Аҳамияти ҳуқуқии таъсиси Ҷоизаи байналмилалии Президенти Тоҷикистон дар соҳаи об. Назари коршинос дар ин хусус
Имрӯз дар шаҳри Душанбе ҳаво то 39 дараҷа гарм мешавад
Дар Душанбе масъалаи бунёди неругоҳҳои офтобӣ дар Тоҷикистон баррасӣ гардид
Ҳайати «Шаҳри ҳушманд» бо таҷрибаи Қирғизистон дар самти рақамикунонии соҳаи тандурустӣ шинос шуданд
Имрӯз дар шаҳри Душанбе ҳаво рӯзона то 35 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 35 дараҷа гарм мешавад
Шароит ва имконияти таҳсил дар Коллеҷи омори шаҳри Ваҳдат беҳтар карда мешавад
ИҚТИСОДИ «САБЗ». Тоҷикистон барои амалисозии он заминаи муносиб фароҳам овард
Дар вилояти Суғд ҳаҷми истеҳсоли тухм афзоиш меёбад
