Аз қочоқчиёни афғон 20 кг маводи мухаддир мусодира карда шуд
Душанбе, 08.08.16. /АМИТ «Ховар»/. Хизматчиёни ҳарбии Қӯшунҳои сарҳадии КДАМ ҶТ дар якҷоягӣ бо кормандони Раёсати КДАМ ҶТ дар вилояти Хатлон, дар минтақаи яке аз дидбонгоҳи сарҳадии зертобеъи Отряди сарҳадии «Панҷ», дар натиҷаи амалиёти махсус убури ғайриқонунии сарҳади давлатӣ аз ҷониби қочоқчиёни афғон ва кӯшиши интиқоли маводи мухаддирро пешгирӣ намуданд.
Тавре ба АМИТ «Ховар» аз маркази матбуоти Қӯшунҳои сарҳадии КДАМ ҶТ хабар доданд, ҳангоми гузаронидани амалиёт, гурӯҳи мусаллаҳи қочоқчиёни номаълуми афғон дар вақти убури ғайриқонунии марзи давлатӣ бо сарҳадбонони тоҷик ва кормандони РКДАМ ҶТ рӯ ба рӯ шуданд.
Қочоқчиёни афғон ба амри сарҳадбонони тоҷик итоат накарданд, ки дар натиҷа байни онҳо задухӯрди мусаллаҳона ба вуқӯъ пайваст.
Дар натиҷаи задухӯрд як нафар қочоқчӣ, Абдураҳмон валади Амонбой шаҳрванди ҶИА истиқоматкунандаи деҳаи Қарлиқи Дашти-арчи безарар гардонида шуда, аз ӯ тақрибан 20 кг маводи мухаддири навъи «ҳашиш» ва 2 кг 200 гр бангдона дарёфт ва мусодира карда шуд.
Нисбати ин ҳодисаи мазкур парвандаи ҷиноӣ оғоз гардида, тафтишот идома дорад.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
