Бар асари боришоти зиёди борон дар Исфара сел омад
Душанбе, 17.08.2016 /АМИТ «Ховар»/. Бар асари офати табиӣ- борони пуршиддат, ки тахминан баъд аз соати 18.30-и шоми дирӯз сар шуда, 1-1,5 соат идома кард, дар маҳалҳои гуногуни шаҳри Исфара сел омад.
Ба иттилои сухангӯи шаҳрдори Исфара Иқбол Тешаев, бар асари омадани сел ба маҳаллаҳои аҳолинишини шаҳраки Шӯроб, маҳаллаҳои навбунёди Сомониён, Афғонҳо, маҳаллаҳои 13, 14 ва 15, маҳаллаҳои аҳолинишини шаҳраки Навобод, Ҷазира ва Матпарӣ хисороти зиёд расидааст.
Инфрасохтори шаҳр мувоҷеҳи хисорот қарор гирифта, анқариб давоми як соат ҳаракати нақлиёт дар шоҳроҳи Исфара имконнопазир гардид. Дар баъзе маҳаллаҳои шаҳр хаттҳои интиқоли барқ осеб дидаанд. Талафи якчанд чорво ва осеб дидани якчанд нақлиёти шаҳрвандон ба мушоҳида гирифта шудааст.
Ситоди ҳолатҳои фавқулода даъват гардида, таҳти сарварии раиси шаҳр Дилшод Расулзода комиссияи махсус фаъолият дорад ва вазъиятро ҳар лаҳза таҳти назорат қарор додааст.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
