Баррасии эҳтимолияти барномаи нави сесолаи Хазинаи Байналмилалии Асъор дар БМТ
Душанбе, 23.08.2016. /АМИТ «Ховар»/. Ҷиҳати баррасии эҳтимолияти барномаи нави сесолаи Хазинаи Байналмилалии Асъор (ХБА), роҳбарияти Бонки миллии Тоҷикистон (ВМТ) бо ҳайати намояндагии ХБА оид ба Тоҷикистон таҳти роҳбарии Пол Росс мулоқоти корӣ анҷом дод.
Тавре ки аз хадамоти матбуоти БМТ ба АМИТ «Ховар» хабар доданд, роҳбарияти Бонки миллии Тоҷикистон меҳмононро бо шарҳи мухтасари макроиқтисодӣ ва вазъи имрӯзаи низоми бонкӣ дар Ҷумҳурии Тоҷикистон шинос намуд.
Сипас роҳбари ҳайати намояндагии ХБА оид ба Тоҷикистон Пол Росс барои иштирокдорони мулоқот дар мавриди иҷрои шартҳое, ки аз ҷониби Ҷумҳурии Тоҷикистон ҷиҳати омода намудани барнома пешниҳод шудаанд, маълумот дод.
Дар ҷараёни вохӯрӣ ҷонибҳо дар мавриди татбиқи Барномаи (ECF) механизми васеи қарздиҳии ХБА ба Тоҷикистон, зарурати расонидани кумак, таҳкими ҳамкории дуҷониба ва натиҷаи корҳои дар ин самт анҷомдодашуда андешаҳои худро баён доштанд. Аз ҷумла, зикр гардид, ки қисмати зиёди шартҳои пешниҳодкардаи ХБА аз ҷониби БМТ аллакай мавриди иҷро қарор гирифтаанд.
Дар интиҳои суҳбат, роҳбарияти Бонки миллии Тоҷикистон ба ҳайати намояндагии Хазинаи Байналмилалии Асъор барои дастгирии доимии Тоҷикистон аз ҷониби ин ташкилоти молиявии байналмилалӣ миннатдорӣ баён намуд.
Ҳайати намояндагии ХБА аз 22 то 31-уми августи соли равон дар Ҷумҳурии Тоҷикистон бо сафари корӣ ҳузур дорад.
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
