Дар Беларус машқҳои навбатӣ бо неруҳои сулҳовари СААД таҳти унвони «Бародарии шикастнопазир-2016» гузаронида мешаванд
Душанбе, 22.08.2016 / АМИТ «Ховар» /. Дар Ҷумҳурии Беларус аз 23 то 27 августи соли 2016 машқҳои навбатӣ бо неруҳои сулҳовари Созмони аҳдномаи амнияти дастаҷамъӣ (СААД) таҳти унвони «Бародарии шикастнопазир-2016» гузаронида мешаванд, ки он бояд ба қисми муҳими омодагии фаврӣ ва ҳарбии ҷузъҳои гуногуни неруҳои СААД дар соли равон табдил ёбад. Дар ин бора аз хадамоти матбуоти СААД иттилоъ доданд.
Бино ба иттилои хадамоти матбуоти СААД, «тибқи нақша ин панҷумин машқҳои сулҳовари СААД мебошад, ки дар шаҳри Барановичи Беларус дар машқгоҳи ҳарбии «Обуз-Лесновский» гузаронида мешавад. Ривояти расмии машқҳо — «Омодагӣ ва пешбурди амалиёт оид ба посдории сулҳ аз ҷониби неруҳои дастаҷамъии сулҳи (НДС) СААД мебошад».
Зимнан, мақсади машқҳо дур шудан аз қолибҳои маъмулӣ ва такмили як қатор навовариҳои муфидро дар назар дорад, ки усулҳои нави иҷрои вазифаҳои посдории сулҳро дар ҷараёни амалиёти пурра оид ба пуштибонии сулҳ инъикос менамояд.
Барои нахустин бор СААД CCM ваколати Шӯрои Амнияти СММ-ро ба даст мегирад ва дар минтақаи буҳронӣ дар ҳамкорӣ бо миссияи СММ амал хоҳад кард. Кори мақсаднок дар самти беҳтар намудани захираҳои сулҳоварии СААД аз таваҷҷуҳи намояндагони созмонҳои дигари байналмилалӣ дур намемонад. Ба машқҳо намояндагони Котиботи СММ ва Кумитаи байналмилалии Салиби Сурх даъват шудаанд.
Дар машқҳо беш аз 1000 нафар афсарону сарбозони сулҳовар аз ҳайати неруҳои мусаллаҳ, неруҳои дохилӣ ва полиси ҳамаи шаш давлатҳои узви СААД (Арманистон, Беларус, Қирғизистон, Қазоқистон, Федератсияи Русия, Ҷумҳурии Тоҷикистон), зиёда аз 500 адад таҷҳизоти авиатсионӣ, мошинҳои зиреҳпӯш ва автомобил ширкат меварзанд.
Дар марҳилаи ниҳоии машқҳо, дар ҷараёни коркарди давраи фаъоли машқҳо аз рӯи ҳашт ҳодисаи тактикӣ дабири кулли СААД Николай Бордюжа, намояндаи доимии Федератсияи Русия дар Созмони Паймони Атлантикаи Шимолӣ (НАТО) Александр Грушко, намояндаи вазорати мудофиаи Ҷумҳурии Сербия Д.Арсениевич ва як гурӯҳ шахсони расмӣ иштирок мекунанд.
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
