Дар даврони соҳибистиқлолӣ ҳунармандони тоҷик ва рус фарҳанги волои худ ва арзишҳои миллии кишвари худро дар сатҳи зарурӣ ба намоиш гузоштанд

Душанбе, 10.08.2016. /АМИТ «Ховар»/. «Дар 25 соли Истиқлолияти давлатии Ҷумҳурии Тоҷикистон робитаву ҳамкории мутақобилаи муассисаҳои фарҳангии ҷумҳурӣ бо ҳамтоёни хориҷӣ,  хусусан Русия хеле рушду густариш  ёфт»,- зикр кард Шариф Комилзода, директори Пажӯҳишгоҳи илмӣ- тадқиқотии фарҳанг ва иттилооти Вазорати фарҳанги Ҷумҳурии Тоҷикистон зимни баргузории конфронс дар мавзӯи «Таҳкими равобити фарҳангии Тоҷикистону Русия дар даврони истиқлол».
Шариф Комилзода ҳамчунин илова намуд: «Дар заминаи ҳамон санадҳои меъёриву ҳуқуқие, ки бевосита таҳкими робитаҳои фарҳангии Тоҷикистону Русияро муайяну мушаххас намудаанд, ҳунармандони тоҷик ва рус тавонистанд  дар даврони соҳибистиқлолӣ фарҳанги волои худ ва арзишҳои миллии кишвари худро ба намоиш гузоранд».