Дар Могадишо бар асари ҳамлаи ҷангиён ба тарабхона 6 нафар ҳалок гардиданд

Душанбе, 26.08.2016. /АМИТ «Ховар»/. Дар пойтахти Сомали-шаҳри Могадишо бар асари ҳамлаи ҷангиёни гурӯҳи ифротии «Аш-Шабоб» ба тарабхона  на кам аз 6 нафар ҳалок гардиданд. Дар ин бора агентии «DPA» бо истинод ба полиси маҳаллӣ ва шоҳидон хабар дод.
«Бар асари ҳамла дар соҳили Могадишо на кам аз 6 нафар ҳалок гардиданд»,- навиштааст манбаъ.
Чанде пеш иттилоъ дода шуд, ки дар назди тарабхона дар соҳили Лидо мошини бо дастгоҳи тарканда муҷаҳҳаз инфиҷор гардид ва пас аз он тирпарронӣ сурат гирифт.