Дар ноҳияи Восеъ аввалин дармонгоҳи хусусӣ мавриди истифода қарор гирифт
Душанбе, 05.08.2016. /АМИТ «Ховар»/. Дар деҳаи ба номи Ҳасан Қурбонови ҷамоати деҳоти Тугараки ноҳияи Восеъ дармонгоҳи хусусии табобатӣ расман ба фаъолият оғоз намуд.
Тавре ки аз шуъбаи иттилоотию таҳлилии дастгоҳи раиси вилояти Хатлон хабар доданд, дармонгоҳ бо дастгирии Вазорати тандурустӣ ва ҳифзи иҷтимоии аҳолӣ ва Мақомоти иҷроияи ҳокимияти давлатии ноҳияи Восеъ аз ҷониби духтур Абдусалом Ҷумаев сохта, ба истифода дода шуд.
Дар дармонгоҳ барои табобати беморон ҳамаи шароитҳо мавҷуд мебошад. Толори бақайдгирии беморон, ҳуҷраҳои доругузаронӣ, дорутайёркунӣ, ташхисӣ бо таҷҳизоти муосири тиббӣ таъмин мебошанд. Барои бемороне, ки бистарӣ мегарданд, ҳуҷраи алоҳидаи ҷои хоб муҳайё карда шудааст. 5 нафар духтурон- ду нафар дорои маълумоти олӣ ва се нафар бо маълумоти миёнаи тиббӣ ба кор ҷалб карда шудаанд.
Бояд гуфт, ки дар дармонгоҳи хусусӣ ба иштирокчиёни Ҷанги дуюми ҷаҳон , иштирокчиёни садамаи атомии Чернобил ва фарзандони онҳо, шахсони яккаву танҳо, камбизоат ва маъюбони гурӯҳи аввал тариқи ройгон табобат ва хизматрасонӣ пешниҳод карда мешаванд.
Дар ноҳияи Рашт соҳили дарёи Сурхобро мустаҳкам карданд
Дар шаҳри Душанбе ҳавои камабри бебориш дар назар аст
Илму маориф ва рушди сармояи инсонӣ — дар меҳвари Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳаво тағйирёбандаи бебориш мешавад
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
