Дар Рашт сохтмони 44 хонаи истиқоматӣ ва ду таълимгоҳи зарардида бо маром идома дорад
Рашт, 29.08.2016. /АМИТ «Ховар»/. Имрӯзҳо сохтмони 44 хонаи бар асари заминларза пурра ва қисман хароб гаштаи деҳаҳои Ҳазорчашма ва атрофи он дар ноҳияи Рашт босуръат идома дорад.
Заминларзае, ки рӯзи якуми июли соли равон дар ноҳияи Рашт рух дод, ба 44 хонаи истиқоматӣ ва ду таълимгоҳи ҳудуди ҷамоатҳои деҳоти Ҳиҷбораку Аскалон зарари ҷиддӣ расонд, ки бо дастури Пешвои миллат субҳи ҳамон рӯз ҳайати комиссияи ҳукуматӣ бо роҳбарии муовини сарвазири ҷумҳурӣ Маҳмадтоир Зокирзода ба деҳаҳои зарардида омада, ҳисороти расидаро таҳлилу дақиқ карда, мардумро умедвор намуданд, ки Ҳукумати Тоҷикистон онҳоро танҳо намегузорад.
Баъди даҳ рӯзи рух додани ҳодиса мардуми зарардида бо масолеҳи сохтмонӣ, аз ҷумла тахтаю тунука ва семент таъмин гардиданд. Бо дастгирии Ҳукумати ноҳияи Рашт барои зарардидагон қуму рег дастрас карда шуд. Алҳол сохтмони хонаҳои нави истиқоматӣ ва таълимгоҳҳои деҳаҳои Ҳазорчашма ва Моҳи хоса бо маром идома дорад.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
