Дар сарҳад аз ҷониби қочоқчиёни афғон маводи мухаддири героин ва яроқи оташфишон дарёфт ва мусодира карда шуд

Август 11, 2016 11:09

Душанбе, 11.08.2016. /АМИТ «Ховар»/. 9 августи соли ҷорӣ соати 01:20 шаб, хизматчиёни ҳарбии Қӯшунҳои сарҳадии КДАМ ҶТ дар якҷоягӣ бо кормандони раёсати КДАМ ҶТ дар вилояти Хатлон дар минтақаи яке аз дидбонгоҳи сарҳадии зертобеи Отряди сарҳадии «Шурообод»-и ноҳияи Ш. Шоҳин убури ғайриқонунии сарҳади давлатӣ аз ҷониби қочоқчиёни афғон ва кӯшиши интиқоли маводи мухаддирро ба ҶумҳурииТоҷикистон пешгирӣ намуданд.
Тавре Муҳаммад Улуғхоҷаев, сардори Маркази матбуоти Қӯшунҳои сарҳадии КДАМ ҶТ ба АМИТ «Ховар» хабар дод, гурӯҳи 4-5 нафараи қочоқчиёни шахсияташон номаълуми афғон, дар вақти убури ғайриқонунии марзи давлатӣ ба амри сарҳадбонони тоҷик итоат накарданд, ки дар натиҷа байни онҳо задухӯрди мусаллаҳона ба вуқӯъ омада, қочоқчиён ба тарафи Ҷумҳурии Исломии Афғонистон фирор карданд.
«Ҳангоми азназаргузаронии ҷои ҳодиса 5 кг маводи мухаддири навъи героин, як адад яроқи оташфишони Карабин бо тирҳояш дарёфт ва мусодира карда шуд.
Дар айни ҳол кормандони РКДАМ ҶТ дар вилояти Хатлон нисбат ба ин ҳодиса тафтишот бурда истодаанд»,-илова намуд Муҳаммад Улуғхоҷаев.

Август 11, 2016 11:09

Хабарҳои дигари ин бахш

МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд