Дар шаҳри Кӯлоб Рӯзи кормандони соҳаи тиб таҷлил гардид

Кӯлоб, 18.08.2016. /АМИТ «Ховар»/. Ҳамасола дар ҷумҳурӣ  18-уми август ҳамчун зодрӯзи Абӯалӣ ибни Сино ва  Рӯзи касбии табибон ҷашн гирифта мешавад. Дар шаҳри Кӯлоб вобаста ба ин сана раиси шаҳр  табибони шаҳру ноҳияро табрик гуфта, зикр намуд, ки хизмати шабонарӯзии табибон дар самти ҳифзи саломатии мардум шоёни таҳсин аст. Ҳамчунин илова гардид, ки давоми солҳои охир кормандони соҳаи тандурустӣ ба пешравиҳои назаррас  ноил гардидаанд.
Тавре  Шамсиддин Сироҷиддин, ҳамоҳангсози соҳаи тандурустии шаҳру деҳоти Кӯлоб  иттилоъ дод, барои хизматҳои шоиста як гурӯҳ  кормандони соҳаи тандурустии шаҳру ноҳияи Кӯлоб бо нишони «Аълочии тандурустии ҶТ», ифтихорнома ва сипосномаҳои мақомоти иҷроияи ҳокимияти давлатии шаҳри Кӯлоб, Раёсати тандурустии вилояти Хатлон ва инчунин туҳфаҳои хотиравӣ сарфароз гардонида шуданд.
Дар идомаи чорабиниӣ кормандони шуъбаи фарҳанг ва ҳунармандони Театри мусиқӣ- мазҳакавии ба номи Сайдалӣ Вализода бо барномаи мукаммали консертӣ хотири ҳозиронро болида гардониданд.