Дар соҳилҳои Урдун ихроҷи беш аз 200 тонна нафт ба амал омад

Душанбе, 24.08.2016 / АМИТ «Ховар» /. Дар халиҷи Акабеи Урдун рӯзи сешанбе ихроҷи беш аз 200 тонна нафт рух дод. Дар ин бора ТАСС бо истинод ба рӯзномаи «Haaretz» иттилоъ медиҳад.
Ба гуфтаи манбаъ, нафти мутаҳаррик ба ҷануб метавонад ба соҳилҳои Урдун ва Арабистони Саудӣ бирасад. Илова бар ин, обсангҳои марҷонӣ ва шаҳри осоишгоҳии Эйлати Исроилро низ хатари ифлосшавӣ таҳдид менамояд.
Тибқи иттилои мақомоти Исроил, сабаби ин ҳодиса ҳанӯз маълум нашудааст, вале хуруҷи нафт имкон дорад дар натиҷаи таркидани қубур ба амал омада бошад. Дар айни замон,  ихроҷи нафт қатъ гардида, оқибатҳои онро бартараф менамоянд.