Дар Сочи рӯзномаҳои ҷаласаҳои дарпешистодаи сарони давлатҳои аъзои СААД ва ИДМ баррасӣ гардиданд

Душанбе, 11.08.2016. /АМИТ «Ховар»/.  10 август муовини вазири корҳои хориҷии Ҷумҳурии Тоҷикистон Маҳмадшариф Ҳақдод дар мулоқоти муовинони вазирони корҳои хориҷии давлатҳои аъзои Созмони Аҳдномаи Амнияти Дастаҷамъӣ дар шаҳри Сочи иштирок намуд.
Тавре ба АМИТ «Ховар» аз ВКХ ҶТ хабар доданд, зимни мулоқот рӯзномаҳои ҷаласаҳои дарпешистодаи сарони давлатҳои аъзои СААД ва ИДМ баррасӣ гардида, роҷеъ ба мавзӯъҳои амнияти минтақавӣ ва дигар масоили ҳамкорӣ дар ҳошияи Иттиҳод табодули афкор сурат гирифт.
Ба иттилои манбаъ, дар ҳошияи ин мулоқот вохӯрии муовинони вазирони корҳои хориҷии Ҷумҳурии Тоҷикистон ва Ҷумҳурии Беларус доир гардид, ки дар рафти он Нақшаи машваратҳо миёни вазоратҳои корҳои хориҷии Ҷумҳурии Тоҷикистон ва Ҷумҳурии Беларус барои ду соли минбаъда ба имзо расид.