Деваштич: таъмири пул-туҳфа ба ҷашни бузурги миллат
Деваштич, 27.08.2016. /АМИТ «Ховар»/. Дар Ҷамоати деҳоти Росровути ноҳияи Деваштич сокинони бунёдгару ташаббускори ин диёри зебоманзар баҳри сарбаландона пешвоз гирифтани 25-умин солгарди Истиқлолияти давлатии Ҷумҳурии Тоҷикистон корҳои созандагиро беш аз пеш тақвият дода, аз тариқи ҳашари умумӣ ва бо дастгирии мақомоти иҷроияи ҳокимияти давлатии ноҳия, соҳибкорону шахсони саховатпеша иқдоми таъмиру сохтмони иншоотро идома медиҳанд.
Чунин як иқдоми наҷибу созанда- ин таъмири пуле мебошад, ки пайвандгари деҳаҳои Росровут, Метк ва Дашти Хушекат бо дигар деҳаҳо ва Ҷамоати деҳоти Росровут аст. Дар мавзеи пули таъмирёбанда корҳои васлу насбкунӣ ва соҳилмустаҳкамкунӣ бо ёрии техникаҳои ҳозиразамони сохтмонӣ дар авҷ буда, сокинони ин деҳаҳо бо эҳсоси баланди ватандӯстиву якдилӣ дастаҷамъона дар таъмири пул аз тариқи ҳашар иштирок доранд.
Тамоми ин иқдом ва ташаббусҳои сокинони Ҷамоати деҳоти Росровут нишон аз дастгирии сиёсати созанда ва дастуру нишондодҳои ҳадафмандонаи Асосгузори сулҳу Ваҳдати миллӣ-Пешвои миллат, муҳтарам Эмомалӣ Раҳмон буда, туҳфаест бахшида ба ҷашни бузурги миллат.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
