Гурӯҳи коршиносони Арабистони Саудӣ аз соҳилҳои Панҷ боздид ба амал оварданд
Душанбе, 12.08.2016. /АМИТ «Ховар»/. Мамлакати Шоҳигарии Арабистони Саудӣ тасмим дорад, ки дар корҳои соҳилмустаҳкунӣ ба Тоҷикистон кумак расонад. Дар ин росто, як гурӯҳи коршиносон аз Маркази имдод ва корҳои башардӯстонаи Подшоҳ Салмон таҳти роҳбарии муҳандис Аҳмад бин Алӣ Ал-Без ба Тоҷикистон ташриф овардаанд.
Ин ҳайат бо роҳбарону масъулин ва мутахассисони Агентии беҳдошти замин ва обёрии назди Ҳукумати Ҷумҳурии Тоҷикистон дар Душанбе мулоқот намуда, масъалаҳои марбут ба расонидани кумакҳо дар самти корҳои соҳилмустаҳкамкунӣ дар ноҳияи Мир Сайид Алии Ҳамадонӣ ва пешгирии хавфи хати обхезии ҳавзаи дарёи Панҷ ва тавсеаи ҳамкориро баррасӣ намуданд.
Гурӯҳи коршиносони Маркази Шоҳ Салмон ба ҷануби Тоҷикистон сафар намуда, дар ноҳияи Мир Сайид Алии Ҳамадонӣ аз вазъи селпартои Чубекча ва сади соҳилмустаҳкамкунӣ дар соҳили рости дарёи Панҷ шинос гардида, иброз доштанд, ки дар корҳои соҳилмустаҳкамкунии соҳилҳои рости дарёи Панҷ дар оянда саҳм мегузоранд.
Абдулло Қуробонзода, муовини аввали директори Агентии беҳдошти замин ва обёрии назди Ҳукумати Ҷумҳурии Тоҷикистон дар суҳбат ба хабарнигори АМИТ «Ховар» гуфт, ки охири соли 2015 як гурӯҳи коршиносони Арабистони Саудӣ бобати шиносоӣ ва расонидани кумак ба корҳои соҳилмустаҳкамкунӣ ба Тоҷикистон омада, аз нуқтаҳои хавфноки дарёи Панҷ боздид намуда буданд.
Интизор меравад, ки ҳайати Арабистони Саудӣ имрӯз дар Душанбе бо раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон Рустам Назарзода мулоқот намуда, масъалаи таҷдиди маркази таълимии наҷотдиҳандагон дар Қаратоғро баррасӣ хоҳанд кард.
Имрӯз дар ноҳияҳои алоҳидаи кӯҳии Тоҷикистон борон ва барф меборад
Кумитаи ҳолатҳои фавқулода ва мудофиаи гражданӣ: «Дар рӯзҳои боронӣ дучанд эҳтиёт намоед!»
Намояндаи Агентии амнияти химиявӣ, биологӣ, радиатсионӣ ва ядроӣ дар Конфронси сатҳи вазирони Агентии байналмилалии нерӯи атомӣ иштирок намуд
Ҳисоботи Тоҷикистон дар ҷаласаи пленарии Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда шунида шуд
Бо мақсади ислоҳи камбудиҳои ҷойдошта бо иштироки масъулини соҳаи кишоварзии вилояти Суғд машварат баргузор шуд
Хизматрасониҳои алоқаро тақсим кунед!
«МУОИНАИ ТЕХНИКӢ». Дар 5 рӯз 1600 қоидавайронкунии маъмурӣ сабт гардид
Намоиш-озмуни ҷумҳуриявии «Меъмор-2024» баргузор мегардад
Доир ба нақши академик Аҳрор Мухторов дар омӯзиш ва таҳқиқи таърих ва фарҳанги халқи тоҷик ҳамоиш баргузор шуд
Дар Санкт-Петербург Форуми ҷавонони созмонҳои кишварҳои аъзои Иттиҳоди Давлатҳои Мустақил оғоз гардид
Дар Душанбе афзалияти стратегии рушди шуғли пурмаҳсул баррасӣ гардид
