Иконаи беш аз садсола аз хариду фурӯш ҷилавгирӣ карда шуд
Душанбе, 03.08.2016. /АМИТ «Ховар»/. Боз як далели хариду фурӯши ашёҳои таърихӣ дар ҷануби кишвар аз ҷониби кормандони Хадамоти гумрук ошкор ва пешгирӣ гардид.
Дар ҷараёни гузаронидани амалиёти фаврӣ аз тарафи кормандони раёсати минтақавии гумрукӣ дар вилояти Хатлон сокини шаҳри Қӯрғонтеппа Т.Б. ҳангоми ғайриқонунӣ ба фурӯш баровардани 3 адад икона ва 19 адад ордену медалҳои Ҷанги дуюми ҷаҳон боздошт гардид.
Дар асоси ташхиси мутахассисони Вазорати фарҳанги Ҷумҳурии Тоҷикистон, иконаи мусодирагардида таърихи беш аз садсола дошта, он маҳсули иконнанависони рус дар охири асри 19 ва аввали қарни 20 буда, дорои аҳамияти таърихиву фарҳангии миллату халқиятҳои маскуни Тоҷикистон аст.
Ҳамзамон ордену медалҳо, махсусан як адад ордени «Ситораи сурх» ва ордени «Ҷанги Бузурги Ватанӣ», инчунин 17 адад медалҳои гуногун, нишони ҷонбозию фидокориҳо ва хизмати шоистаи фарзандони Тоҷикистон дар набардҳои Ҷанги дуюми ҷаҳон солҳои 1941-1945 аст.
Бояд тазаккур дод, ки ашёҳои таърихӣ нишони ҷовидонӣ, хусусияти тарбиявӣ, ватандӯстӣ ва осорхонавӣ дошта, тибқи қонунгузории Ҷумҳурии Тоҷикистон соҳиб шудан ва ба соҳибияти каси дигар додани онҳо мамнӯъ мебошад.
Маркази матбуоти Хадамоти гумруки назди Ҳукумати Ҷумҳурии Тоҷикистон иттилоъ медиҳад, ки нисбат ба шаҳрванд Т. Б. парвандаи ҷиноятӣ боз карда шудааст.
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
