«Империал Групп» китоби «Фаъолияти ҳуқуқэҷодкунӣ дар Ҷумҳурии Тоҷикистон: рушд ва проблемаҳо»-ро ба нашр расонид
Душанбе, 09.08.2016 /АМИТ «Ховар»/. Ба ифтихори ҷашни 25-солагии Истиқлолияти давлатии Ҷумҳурии Тоҷикистон Маркази миллии қонунгузории назди Президенти Ҷумҳурии Тоҷикистон китоби наверо таҳти унвони «Фаъолияти ҳуқуқэҷодкунӣ дар Ҷумҳурии Тоҷикистон: рушд ва проблемаҳо» аз чоп баровард.
Дар китоб мақолаҳои илмии олимон ва мутахассисони соҳаи ҳуқуқшиносӣ, ки фарогири масъалаҳои рушд ва проблемаҳои фаъолияти ҳуқуқэҷодкунӣ дар Ҷумҳурии Тоҷикистон мебошанд, ба забонҳои тоҷикӣ ва русӣ гирд оварда шудаанд.
Китоб барои доираи васеи хонандагон, аз қабили кормандони мақомоти ҳокимияти давлатӣ, қонунгузор, иҷроия ва судӣ, инчунин кормандони мақомоти ҳифзи ҳуқуқ, ҳуқуқшиносон, олимону донишҷӯён тавсия карда мешавад.
Китоби мазкур зери назари доктори илмҳои ҳуқуқуқшиносӣ, профессор, директори Маркази миллии қонунгузории назди Президенти Ҷумҳурии Тоҷикистон Маҳмад Раҳимзода дар матбааи «Империал Групп» интишор гардидааст.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
