Кӯлоб: Нобиноён соҳиби гази табиӣ гардиданд
Кӯлоб, 23.08.2016. /АМИТ «Ховар»/. Дирӯз ба маҳаллаи Исмоили Сомонии шаҳри Кӯлоб, ки дар он маҳалла асосан нобиноён умр ба сар мебаранд, аз ҷониби Ҷамъияти Саҳомии Кушодаи «Кӯлобгаз» гази табиӣ интиқол дода шуд. Ба қавли директори ҷамъият Бахтиёр Ҷалолов, бино баландошёна буда, аз 56 хонаи истиқоматӣ иборат мебошад. Хатҳои интиқоли газ, ки аз солҳои пешин кӯҳнаю фарсуда гардида буданд, аз сари нав таъмир гардида, барқарор карда шуданд. Ҳоло маҳаллаҳои Ҳилоли Аҳмар, Сайфиддин Сангов, Шамсиддин Шоҳин, Борбад ва Ҷаббор Расулов шабонарӯз бо гази табиӣ таъминанд.
Директори ҷамъият аз он изҳори нигаронӣ кард, ки мутаассифона, аҳолии як қисми маҳаллаҳо аз пардохти ҳаққи газ саркашӣ мекунанд, ки ин барои пешрафти фаъолияти ҷамъият таъсири манфӣ мерасонад.
Бо дастгирии ҶСП «Нафту гази Тоҷикистон»,ҶСП «Ҷалолиён», Вазорати энергетика ва оби ҶТ дар муддати кӯтоҳ маҳаллаи Якуми майи шаҳр низ бо гази табиӣ таъмин мешавад.
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
