Ҷ. Лангариева: «Ҳар як табибе, ки либоси табибиро ба бар мекунад, бояд ба мардум бо дасту дили пок кумак расонад»
Душанбе, 18.08.2016 /АМИТ «Ховар»/. Шурӯъ аз соли 1994 ҳамасола 18 август дар Ҷумҳурии Тоҷикистон ҳамчун Рӯзи кормандони соҳаи тиб ва зодрӯзи Абӯалӣ ибни Сино ҷашн гирифта мешавад. Бахшида ба ин рӯз дар Маҷмааи тандурустии «Истиқлол» чорабинии идона доир гардид.
Муовини раиси шаҳри Душанбе Ҷамила Лангариева вобаста ба ин рӯз иброз дошт, ки табиб бояд пеш аз ҳама, бо рӯҳи болида беморро қабул карда, бо забони ширин бо ӯ суҳбат намояд.
Ҷамила Лангариева ҳамчунин илова намуд, ки вақте табиб содиқона ба беморон хизмат мерасонад, бовари беморон ба табибон дучанд мегардад. Ҳар як табибе, ки либоси табибиро ба бар мекунад, бояд ба мардум бо дасту дили пок кумак расонад.
Соҳаи тандурустӣ яке аз соҳаҳои афзалиятноки ҷумҳурӣ ба ҳисоб рафта, дар 25 соли Истиқлолияти давлатӣ ба дастовардҳои зиёде ноил гардид. Аз ҷумла, бо дастгирии бевоситаи Асосгузори сулҳу Ваҳдати миллӣ, Пешвои миллат муҳтарам Эмомалӣ Раҳмон ва Ҳукумати Ҷумҳурии Тоҷикистон чандин марказҳои нави замонавӣ ба истифода дода шуданд, ки Маҷмааи тандурустии «Истиқлол» аз ҷумлаи онҳост.
Ёдрас менамоем, ки имрӯз соати 16 бахшида ба Рӯзи кормандони соҳаи тиб дар Хадамоти назорати давлатии санитарию эпидемиологӣ чорабинии идона баргузор мегардад.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
