М. Неъматов: Дилшодо, дили миллат шод кардӣ, шод бош!

Август 23, 2016 14:43

Душанбе, 23.08.2016. /АМИТ «Ховар»/. Имрӯз аз номи Сафири Ҷумҳурии Тоҷикистон дар Ҷумҳурии Олмон Маликшо Неъматов ба АМИТ «Ховар» барқияи табрикӣ расид, ки дар он омадааст:
«Пешвои миллат Ҷаноби Олӣ муҳтарам Эмомалӣ Раҳмон ва дар симои Роҳбари давлат миллати тоҷик ва тоҷикистониёни азизро бо натиҷаи баланди сатҳи ҷаҳонии Дилшод Назаров муборакбод менамоем.
Ҳангоме ки Ҷаноби Олӣ муҳтарам Эмомалӣ Раҳмон Дилшод Назаровро ба мансаби муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъйин намуд, чунин гуфта буд: «Дилшод ғурур ва нангу номуси миллии баланд дорад ва барои ҷавонон, алалхусус варзишгарон намунаи ибрат мебошад».
Имрӯз дар ҳақиқат ба хотири дастоварди баланди олимпии Дилшод Назаров Тоҷикистон дар сархати расонаҳои олам қарор гирифтааст. Аксари расонаҳои маъруфи олмонӣ зери унвони «Тоҷик Дилшод Назаров нахустин медали тиллои олимпиро ба кишвараш овард»  хабар пахш карданд ва дар ин бора тамоми ВАО-и кишварҳои аврупоӣ низ маълумот доданд, ки боиси ифтихори давлату миллати тоҷик мебошад.
Дилшод Назаров бо хоксорӣ, меҳнатдӯстӣ, ватандӯстӣ ва нангу ори хоси миллиаш ба ин натиҷаи баланди ҷаҳонӣ расид. Дилшод аз ҳама мусобиқаҳои байналмилалӣ бо натиҷа бармегашт ва аксаран масъулини соҳаро аз омаданаш огоҳ намесохт. Вақте аз ӯ мепурсидем, ки чаро аз омаданат огоҳ насохтӣ, то ки пешвози сазоворат гирем, ҳамеша иброз медошт, ки: «насиб кунад, бо медали олимпӣ ба ватан баргардам, ҳатман огоҳ месозам».
Хушбахтона, ин дафъа бе огоҳии Дилшод миллат ба пешвози фарзанди қаҳрамонаш мебарояд. Аз номи Сафорати Тоҷикистон дар Олмон, Чехия, Полша, Ҷамъияти дӯстии Тоҷикистону Олмон ва кулли мухлисону ҳаводоронаш ба Дилшод ба таври ҳамешагӣ иқболи баланди варзишӣ таманно мекунем ва бовар дорем, ки Дилшод на як бору ду бори дигар сабабгори боло шудани Парчами Тоҷикистони азиз ва садо додани Суруди миллии Тоҷикистон дар гӯшаҳои гуногуни олам мегардад».

Август 23, 2016 14:43

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад