Мағлубияти Анвар Юнусов ҳадди охир нест. Ба варзишгарони дигари Тоҷикистон дар Бозиҳои олимпӣ мухлисӣ мекунем!

Душанбе, 10.08.2016. /АМИТ «Ховар»/. Муштзани тоҷик  Анвар Юнусов дар қувваозмоии дуюм баъди мағлубият аз варзишгари бразилиягӣ аз ҳуқуқи иштирок дар даври минбаъда маҳрум шуд. Вале ин варзиш аст ва маънии поёни роҳро надорад. Анварро қувваозмоиҳои дигар дар пеш интизоранд ва итминон дорем, ки ҳоло на як бору ду бор ба шарафи ӯ парчами Тоҷикистон барафрохта мешавад.

Имрӯз ва рӯзҳои дигар тибқи барномаи Бозиҳои олимпӣ дар Рио қувваозмоии варзишгарони дигари мо, аъзои тими мунтахаби олимпии Тоҷикистон дар назар аст. Таваҷҷӯҳ кунед:

10  август, дзюдо
Комроншоҳи УСТОПИРИЁН, дар вазни то 90 кг

12 август, дзюдо
Муҳаммадмурод АБДУРАҲМОНОВ, дар вазни +100 кг

11-12 август, шиноварӣ
Олим ҚУРБОНОВ, бо тарзи озод ба масофаи 50 метр миёни мардон

12-13 август, шиноварӣ
Анастасия ТЮРИНА, бо тарзи озод ба масофаи 50 метр миёни занон

15-17 август, варзиши сабук
Кристина ПРОНЖЕНКО, давидан ба масофаи 200 метр миёни занон

17, 19 август, гурзандозӣ
Дилшод НАЗАРОВ

Ба варзишгарони Тоҷикистон ҳамроҳ мухлисӣ мекунем ва барояшон барору комёбӣ мехоҳем!