Марафони саломатии велосипедронӣ дар шаҳри Хуҷанд доир шуд

Душанбе, 22.08.2016 /АМИТ «Ховар»/. Дар Марафони саломатии велосипедронӣ, ки 20 август дар маркази вилояти Суғд  баргузор гардид, наздик ба 200 нафар велосипедронҳои синни гуногун фаъолона иштирок намуданд.
Чорабинӣ аз назди Маҷмааи ҳавзҳои шиноварии ба номи «20-солагии Истиқлолияти Тоҷикистон» оғоз шуда, то майдони Парчами Ҷумҳурии Тоҷикистон идома ёфт. Марафони саломатии велосипедронӣ тибқи   чорабиниҳои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Федератсияи футболи кишвар бахшида ба 25- солагии Истиқлолияти давлатии Ҷумҳурии Тоҷикистон бо мақсади рушди варзиши велосипедронӣ баргузор гардид.