Масъалаи паст кардани хавфи офатҳои табиӣ дар Тоҷикистон дар Женева муҳокима хоҳад шуд
Душанбе, 22.08.2016. /АМИТ «Ховар/. Имрӯз сафари кории раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода ба Дафтари СММ оид ба корҳои башардӯстона, ки дар Женева воқеъ аст, оғоз ёфт.
Тавре ба АМИТ «Ховар» аз маркази матбуоти кумитаи мазкур хабар доданд, дар доираи сафари кории худ, раиси кумита бо роҳбарони Дафтари СММ оид ба корҳои башардӯстонаи Женева, ёвари Дабири кулли СММ оид ба ҳамкорӣ барои кишварҳои Шарқи Наздик ва Осиёи Марказӣ, роҳбари Маъмурияти байналмилалии Салиби Сурх барои давлатҳои Аврупо ва Осиёи Марказӣ, бо роҳбарони созмони байналмилалии мудофиаи гражданӣ (МОГО),Агентии Швейтсария оид ба рушд ва ҳамкорӣ, директори ҳамоҳангсозии корҳои башардӯстонаи Созмони Милали Муттаҳид дар Женева, сардори шуъбаи корҳои башардӯстона барои ҳамоҳангсозии корҳои саҳроӣ вохӯриҳо доир мекунад.
Дар вохӯриҳо муҳокимаи масъалаҳои паст кардани хавфи офатҳои табиӣ дар Тоҷикистон, омўзиш ва бозомӯзии кормандони кумита ва дигар масъалаҳо баррасӣ хоҳанд шуд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
