Мунтахаби наврасони Тоҷикистон пас аз пирӯзӣ бар Эрон ба даври ниҳоии Ҷоми Президенти Қазоқистон роҳ ёфт!
Душанбе, 11.08.2016. /АМИТ «Ховар»/. Мунтахаби наврасони Тоҷикистон оид ба футбол таҳти роҳбарии сармураббӣ Зайниддин Раҳимов дар даври ниҳоии марҳилаи гурӯҳии Ҷоми Президенти Қазоқистон мунтахаби наврасони Эронро бо ҳисоби 2:1 шикаст дода, дар гурӯҳи «В» ҷойи аввалро ишғол кард ва ба даври ниҳоии мусобиқа роҳ ёфт. Дар ин бора ба АМИТ «Ховар» аз Федератсияи футболи Тоҷикистон хабар доданд.
Иттилоъ дода мешавад, ки дар ҳайати мунтахаби наврасони кишвар Ҳувайдо Малиев, Шаҳром Самиев ва дар ҳайати мунтахаби наврасони Эрон Муҳаммад Шарифӣ (аз зарбаи 11-метр) голҳоро ба ҳадаф расонданд.
Дар сабқати дигари гурӯҳи «В» наврасони Озарбойҷон дастаи мунтахаби Русия-2-ро бо ҳисоби бузурги 12:1 шикаст доданд.
Чанде пеш футболбозони тоҷик бо ҳисоби бузурги 6:0 Русия-2-ро шикаст дода, дидорро бо наврасони Озарбойҷон мусовӣ – 2:2 анҷом дода буданд.
Ҳамин тариқ, бо гирифтани 7 хол дастпарварони Зайниддин Раҳимов ба даври ниҳоии Ҷоми Президенти Қазоқистон роҳ ёфтанд. Ҷойи дуюмро дар гурӯҳи «В» мунтахаби наврасони Эрон ишғол кард.
Рақиби мунтахаби наврасони Тоҷикистон дар бозии ниҳоии мусобиқаи байналмилалӣ дар Шимкент бегоҳии имрӯз, пас аз ба анҷом расидани сабқати гурӯҳи «А» миёни дастаҳои мунтахаби Қазоқистон ва Албания муайян мегардад.
Ёдовар мешавем, ки маблағи ҷоизавии Ҷоми Президенти Қазоқистон 15 ҳазор доллари ИМА аст. Ба ғолиби мусобиқа ба ғайр аз ҷом, ҳамчунин маблағ дар ҳаҷми 7 ҳазор доллари ИМА тақдим карда мешавад. Дастаи мақоми дуюмро ишғолкарда бо 5 ҳазор ва дастаи ҷойи сеюм бо 3 ҳазор доллари ИМА мукофотонида мешаванд.
Тақвими бозиҳои Ҷоми Президенти Қазоқистон:
Гурӯҳи «В»
Даври 1-ум
Русия-2 – ТОҶИКИСТОН – 0:6
Эрон – Озарбойҷон – 3:0
Даври 2-юм
ТОҶИКИСТОН – Озарбойҷон – 2:2
Русия-2 – Эрон – 0:10
Даври 3-юм
ТОҶИКИСТОН – Эрон – 2:1
Русия-2 – Озарбойҷон – 1:12
| Б | П | М | Б | Т/Г | Х | ||
| 1 | ТОҶИКИСТОН | 3 | 2 | 1 | 0 | 10-3 | 7 |
| 2 | Эрон | 3 | 2 | 0 | 1 | 11-2 | 6 |
| 3 | Озарбойҷон | 3 | 1 | 1 | 1 | 14-6 | 4 |
| 4 | Русия-2 | 3 | 0 | 0 | 3 | 1-28 | 0 |
Гурӯҳи «А»
Даври 1-ум
Албания – «Крузейро» (Қазоқистон) – 0:0
Қазоқистон – Қирғизистон – 2:1
Даври 2-юм
Албания – Қирғизистон – 1:0
Қазоқситон – «Крузейро» (Қазоқистон) – 4:0
Даври 3-юм
16:30 – «Крузейро» (Қазоқистон) – Қирғизистон
16:30 – Қазоқситон – Албания
| Б | П | М | Б | Т/Г | Х | ||
| 1 | Қазоқистон | 2 | 2 | 0 | 0 | 6-1 | 6 |
| 2 | Албания | 2 | 1 | 1 | 0 | 1-0 | 4 |
| 3 | «Крузейро» | 2 | 0 | 1 | 1 | 0-4 | 1 |
| 4 | Қирғизистон | 2 | 0 | 0 | 2 | 1-3 | 0 |
12 август (ҷумъа)
9:00 – Бозӣ барои ҷойҳои 7-8
9:00 – Бозӣ барои ҷойҳои 5-6
9:00 – Бозӣ барои ҷойҳои 3-4
16:30 – Бозии ниҳоӣ (финал)
Эзоҳ: соати оғози бозиҳо бо вақти Душанбе
Имрӯз дар Тоҷикистон ҳавои тағйирёбанда мешавад
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
